Den heilage familie og vismennene. Maria: Julie T. Midtsæter, Josef: Sander A. Aarskog. Baltazar: Eirik Træet, Melkior: Sondre Fitjar og Kaspar: Anna Nesbø. Foto: Håkon C. Hartvedt

Imponerande

– Eg er imponert. Det sa rektor Bjørn Haaland ved slutten av julefesten for barneskulen på Rimbareid, etter at elevane i dei minste klassane hadde både sunge og dansa – og 7. klassane hadde framført det tradisjonsrike julespelet «Ei glede for heile folket» av Alf Georg Østebrøt, tidlegare i dag.

Og det var imponerande – i år og. Både elevane sine framføringar i ulike roller, regien, songen og dansen. I tillegg var det topp lyd og lys.

Flott fanfare på kornett av Tuva Nysæther. Til venstre bodberar Joakim Fitjar. Foto: Håkon C. Hartvedt

Me veit, som rektor Haaland og var inne på, at det ligg enormt med godt arbeid bak dette, både av elevane, og ikkje minst av dei lærarane som står tettast på spelet.

Kulissane og kostymane har gjennom åra blitt finare og flottare, og spelet har på den eine sida «gått seg te» og på den andre sida stadig vore ope for nye innspel. Flott er det at aktørane utvidar scena ved å ta seg ned i salen i einskilde akter.

Hyrdingar. Foto: Håkon C. Hartvedt

 

4B slo til med frisk song og dans. Foto: Håkon C. Hartvedt

Flinke solistar i 3. klasse: F.v. Anna Aarbø Bårholm og Emma Aarbø. Foto: Håkon C. Hartvedt

Flott forsongargruppe. F.v. Ingrid Johanna Hjelmen Grimen, Ingeborg Prestbø, Thea Aarbø Bårholm, Mari Fitjar Hjelle og Alma Brekke. Foto: Håkon C. Hartvedt

I det heile ein fantastisk fin tradisjon som er vel verdt å ta vare på. Likeeins juletregangen som det heile vart avslutta med i dag.