Hos T. Træet sel dei lokale bøker som aldri før. Håkon C. Hartvedt

Fleire postpakker og auka boksal

Fitjarposten har hatt ein runde for å spørje om julesalet. Resultatet vart at det er like bra eller betre enn i fjor. Det er fleire pakker, betre sal på bøker – og Hatlevik rør har kampanjesal heilt fram til jul.

Hos T. Træet er boksalet den største forandringa frå i fjor. Dei sel mykje meir i år. Her har dei laga til eit eige bord med dei nye lokale bøker.
– Særleg boka om Eikeland, Fitjarminne og Kyrkjeboka sel godt, fortel Theodor Træet. Elles har dei selt mykje leiker, sko, barnekle og smykke.

Sals-kampanje hos Hatlevik rør, heilt fram til jul. Foto: Håkon C. Hartvedt

Hos Hatlevik rør har dei kampanjesal, og det varer fram til jul. (Sjå stor annonse nedanfor på denne sida). Treng du baderomsmøbel kan du gjere eit kupp. Dei har mellom anna 1 stk Foss Bad variant (biletet), drivved-front, 90 cm med høgskap til 40 % rabatt. (No: 14095 ,- inkl mva, før 23 493,- inkl mva).

Margareth på videoen sel mykje hamburgarar. Dama hadde elles bursdag i går når me tok biletet. Foto: Håkon C. Hartvedt

Videoen merkar ikkje så mykje til julesalet. 
– Me sel mest mat. Men hamburgarar og pizza går det bra av heile tida, seier Margareth Hillestad. Nokon meiner hamburgarane til Videoen er «verdas beste».

Kine og Lise med julerosa. Foto: Håkon C. Hartvedt

Hos Galleri Flora er julerosa den mest populære blomen for tida, med julestjerna som ein god nummer to. I tillegg sel dei mykje nips.
– Salet er klart betre i år enn i fjor, seier Lise Katrine Grimen.

 

Irene i samtale med Alfhild Nesbø. Foto: Håkon C. Hartvedt

I foajeen hos Larsen fann me Irene Torvund. Ho begynte i går, og skal stå nokre dagar framover mot jul. – Dei tova tinga og luer, sel best, og det har vore veldig bra sal i dag, smilte ho.

Hos MX-en fekk me eit kort og kontant svar på kva som sel best: Ull! – Salet er elles omtrent som i fjor, kanskje litt over, sa Silje Olene Tufteland Aga. Ho til venstre sa ikkje noko som helst. Foto: Håkon C. Hartvedt

Vidar hos Larsen Multihandel kan fortelje at det kjem mange fleire postpakkar i år enn i fjor, noko som kan tyde på auka netthandel. Elles har dei selt bra på julebelysning, julepynt og adventsting. Salet er elles omtrent som i fjor.

– Det store gåvesalet er ikkje kome skikkeleg i gang enno, seier Vidar Larsen.

Han minner elles om at fristen for å sende pakker innanlands er 16.12 om dei skal kome fram før jul. For Norden er fristen 14.12. Skal du sende pakker til utlandet elles bør du ikkje nøle, men få pakka i posten snarast råd om du skal vere sikker på å få ho fram i tide. Du må òg rekne med litt kø om du skal sende pakker på denne tida.

Varehuset Rydland har selt mykje julestjerner, men heller der har julesalet begynt for fullt. Men salet er rundt det same som i fjor meiner Miriam og Unni. Foto: Håkon C. Hartvedt

Sjå og annonsane på sida vår.

– Viktig å handle lokalt, sa ordføraren nyleg. Det støttar me.