Marianne Juvik Sæbø under ein tidlegare konsert i Fitjar kyrkje. På torsdag får ho med seg fleire spennande namn. Foto: FP-arkiv/HCH

Kjempekonsert på torsdag

Når temakveld-gruppa til Fitjar sokneråd inviterer til konsert med Marianne Juvik Sæbø, Terje Kleppe, Arne Pareli og Bergen Gospelcompagnie førstkomande torsdag, er det all grunn til å gle seg.

Det har bltt ein tradisjon at Marianne Juvik Sæbø og Terje Kleppe har julekonsert i Fitjar kyrkje. Denne gongen har dei med seg barytonen Arne Pareli og det CD-aktuelle Bergens Gospelcompagnie.

Alle har lang fartstid saman og er også godt etablert kvar for seg. No vil dei fylle Fitjar kyrkje med stemningsfull og fengjande julemusikk.

Terje Kleppe, frå Stord, er til dagleg musikklærar ved Kongshaug Musikkgymnas. Han er sjølv musikar, komponist og produsent. No er han aktuell med ein trippel-CD der han har samla ei gullrekkje av songar og arrangement som han har gjort saman med Gospelcompagniet.

«Koret er viden kjend for si heilt spesielle varme og ekte formidling – kombinert med ein uanstrengt klang og lekenhet uansett kva slag sjanger dei har», er det sagt om dei.


Arne Pareli har lang fartstid som songar og med sin klokkeklåre karakter og røyst er han ein skatta solist. Han utmerker seg med sin malmfulle baryton. For tida er han forsamlingsleiar 2 i Betlehem i Bergen, og frilansar som songar.


Marianne Juvik Sæbø er ein  stor formidlar og har eit variert uttrykk som ikkje minst kjem til uttrykk i hennar siste CD: «Ei ørlita kvile»

Kombinasjonen Arne Pareli, Marianne Juvik Sæbø og Gospelcompagniet vert spennande.

 

– Me kan lova ein lun,variert, vakker og stemningsfull julekonsert i Fitjar kyrkje!
Her kan ein både klappa takten, lukke auga og berre nyte, heiter det i pressemeldinga frå arrangørane.

Det vert også høve til å gje ei gåve til MIsjon Uten grenser sin Julegaveaksjon.