Presenterte Fitjar på «Statsraaden»

F.v. Marianne Bjelland, IT-sjef Ola Sönnerlid, ordførar Wenche Tislevoll, kultursjef Bente Bjelland og Thea Børtveit. Foto: Arne Vestbøstad

Fitjar kommune ved ordførar Wenche Tislevoll, kultursjef Bente Bjelland og IT-sjef Ola representerte og presenterte Fitjar på Sunnhordlandstreffet om bord på «Statsraad Lehmkuhl» i Bergen i går.

– Målet var å nå fitjarstudentar og andre som studerer i Bergen, seier kultursjef Bente Bjelland til fitjarposten.no, og ho er godt nøgd med besøket.

– Det kom 110 studentar og det er me godt nøgd med. Fleire av dei kan tenkja seg å kome heim att etter endte studiar om det er jobb til dei, og «E da jobb te meg på Fitjar når eg er ferdig?» var eit spørsmål ho møtte.

Sjølvsagt kunne verken kultursjefen eller ordføraren garantere nokon jobb. – Men me fekk no fortalt kva som er av tilbod i Fitjar no, og kva som kan hende kan bli, seier Bjelland.

Ho synest elles sjølve prospektet er svært bra.

Det var niande året på rad i år at det vart arrangert, og første gong på «Statsraaden». 

– Skipet var mykje større inni enn eg trudde, kommenterte Bente Bjelland, til slutt.