Nulltoleranse for mobbing

 

Rektor Sigbjørn Aarland vil saman med dei andre tilsette i fitjarskulane gjere eit krafttak mot mobbing. – Her er det nulltoleranse, seier han. Foto: Håkon C. Hartvedt

Fitjarskulane vil intensivere kampen mot mobbing. 

Mobbing er vanskeleg å få bukt med – også på Fitjar.  Skulesjefen vil difor intensivere kampen mot ukjureskapen.  I vår vart det vedteke ein ny mobbeplan, ein plan som legg særleg vekt på den digitale mobbinga. No skal planen aktiviserast og realiserast på alle skulane i Fitjar.

 – Alle tilsette, både i skulen og barnehagane, skal vere «på tå hev» og ta tak i, og registrere problemet, med ein gong dei observerer mobbetilfelle, seier John Karsten Raunholm til fitjarposten. 

Rektor Sigbjørn Aarland i Øvrebygda har allereie forsterka fokuset på dette.
– Dette vil me så absolutt fortsetje å ta alvorleg, no med ekstra fokus mot den digitale mobbinga, seier han og fortset:

– Me vil for det første oppretthalde god kommunikasjon med elevane og foreldra og elles gjere tiltak i pakt med den nye planen.

Såleis vil me ta dette opp i klassane, på foreldresamtalane, og me vil gjere ei miniundersøking for å finne ut mest mogeleg om kva som går føre seg med omsyn til dette hos oss.

Vidare vil me følgja opp nøkkelorda om at alle som er tilsett på skulen har handlingsplikt og varslingsplikt. Ein skal ikkje tenkja: – Dette er ikkje min elev, men straks melde alle mobbesituasjonar vidare til rektor.

– Som rektor kan eg òg gjere enkeltvedtak i slike saker om foreldra bed om det, opplyser Aarland

Ekstra fokus ved skulestart
Rektor Sigbjørn Aarland er ekstra «på alerten» no ved skulestart. 
– Eg er oppteken av at fadderordninga fungerer, og vakthaldet i friminuttane like eins. Vidare vil me ha fokus på at det vert skapt gode relasjonar i klassane. Det er jo som kjent mykje lettare å forebyggja enn å reparere, smiler han.

Når det vidare gjeld oppfølging av planen viser Aarland til at dei òg har eit skulemiljøutval på skulen der elevar/foreldre er i fleirtal. Dei har òg hengt opp «Eit manifest mot mobbing» i foajeen, får me vite.

Til slutt nemner han noko som kanskje er det aller viktigaste, reint praktisk, i denne saka. Det er handlingsløypa. Den har fire punkt som stort sett er dei same for alle skulane i kommunen. Punkt som syner rekkjefølgja i det ein skal gjere når mobbing vert observert eller varsla.

1. Mistanke
2. Avdekking
3. Tiltale
4. Oppfølging.

 

 

 

 

Normal.dotm 0 0 1 70 400 Media Consult AS 3 1 491 12.0 0 false 21 18 pkt 18 pkt 0 0 false false false /* Style Definitions */ table.MsoNormalTable {mso-style-name:»Vanlig tabell»; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:»»; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:12.0pt; font-family:»Times New Roman»; mso-ascii-font-family:Cambria; mso-ascii-theme-font:minor-latin; mso-fareast-font-family:»Times New Roman»; mso-fareast-theme-font:minor-fareast; mso-hansi-font-family:Cambria; mso-hansi-theme-font:minor-latin;}