Gutelaget med trenarane Trond Henriksen og Kjell Træet har all grunn til å jubla i dag. Foto: Sonja Fitjar Waage.

G16 til 16-delsfinale

Gutar 16 frå Fitjar har vunne to kampar i A-sluttspelet i dag, og er dermed klar for 16-delsfinale i Norway Cup i morgon tidleg. 

Etter 4-0 over Seljord/Kviteseid og 2-0 over Oppegård er 16-årslaget klart for 16-delsfinalen i A-sluttspelet i Norway Cup. Støtteapparatet frå Fitjar fortel om ein fantastisk lagsiger i ettermiddag, og mål av Jonas Aleksandersen og Marius Helland Storebø. Spesielt det første, eit langskot frå 40 meter, går det allereie gjetord om.


Trenar Kjell Træet førebur gutane på kamp i dag. Foto: Sonja Fitjar Waage.

16-delsfinalen går av stabelen torsdag morgon kl. 09.00 på Ekebergsletta. Motstanden kan bli meir enn tøff nok. Laget heiter Waryaa FC og kjem frå Somalia. Dei gjekk gjennom gruppespelet med 10-1 i målforskjell og 9 poeng. Då spørst det om Fitjar-gutane kjem frå endå ein kamp utan baklengsmål; no har dei spela fire kampar på rad utan å sleppa inn mål. Gutane er ganske «høge», for dei får ting til for tida, og er optimistiske føre morgondagen.

Også dei andre Fitjar-laga har vunne sine kamper i dag. J14 spelar ny kamp i morgon kl. 08.00 på Ekeberg, og J16 spelar på Rustad kl. 10.00. Vonleg stiller både spelarar og det talrike støtteapparatet med opplada batteri i morgon tidleg.

Fitjar G14 spela i føremiddag 64-dels finale i A-sluttspelet mot Eidanger og slo dei 1-0, etter scoring av Daniel Skarpnes. I skrivane stund spelar dei 32-delsfinale mot eit svensk lag. Etter pizzalevering av tidligare landslagskeeper Thomas Myhre bør alt liggja til rette for ein framifrå Fitjar-innsats.

SISTE: Fitjar rauk ut på golden goal, etter at det hadde stått 1-1 ved full tid. 

 

androgeen