Stein Helge Simonsen i dagens fellesstart, her ligg han og lurer midt på bildet i kvitt og oransje. Vinnaren i kvitt framfor han. Foto: Privat.

Sur 4.-plass for Simonsen

Stein Helge Simopnsen måtte nøya seg med fjerdeplassen under dagens NM Masters på sykkel 120 km fellesstart.

Dermed er det ein litt skuffa Stein Helge som kjem heim med ein sur fjerdeplass i bagen, i tillegg til den eine sølvmedaljen frå i går.

I dagens løp var han med i eit brot på slutten, saman med tre andre. Dei fekk om lag 5 sekund på resten av feltet. Dessverre for Stein Helge var han dårlegast av gruppa i brot, og måtte nøya seg med fjerdeplassen, eitt sekund bak dagens vinnar, Martin Paul Hoff frå Sagene. 

Stein Helge seier til Fitjarposten at han er litt skuffa over helga. Tempoetappa i går passa han ikkje altfor godt, og i dag var spurten hans for svak.

Etter det me forstår, var det mest positive i dag at det var godt vêr under mesteparten av fellesstarten. Sambygdingen Torleif Solli blei nummer fem i dagens fellesstart. Resultata finn du her