Magne Skumsnes, fremst, og Rolv Vik, klarte så vidt å halda svært unge Eirik Torbjørnsen bak seg under 5419-løpet. Foto: Arne Vestbøstad

 

Imponerande prestasjonar

 

To spektakulære og uvanlege løyper i Midtfjellet trekte laurdag 64 løparar i nær sagt alle aldrar til å måla krefter på distansane halvmaraton og 5419 meter.

 

 

Det var stor aktivitet i start-/målområdet, både før og etter at løparane på dei to hovuddistansane hadde lagt i veg. Ungar kunne springa ei kort løype og få premie, det var levande musikk og kiosk. Mange av løparane syntest at dei kuperte løypene hadde vore kjekke, og den raskaste mannen gjennom den 5419 meter lange løypa, Anders Hundeide Magnussen, fortalte at gjerne kjem att neste gong dette løpet vert arrangert.

 

Sondre Olav Aarskog og Marius Pedersen var to av omlag 70 ungar som sprang det korte barneløpet minst ein gong, og alle fekk medalje av Ellen Rolfsnes. Foto: Arne Vestbøstad

 

 

At mange av løparane held eit relativt høgt nivå, var tydeleg. Lars Lunde, Arnfinn Aadland og Maryana Novik, som var dei tre raskaste gjennom halvmaratonen, var ikkje meir prega av løpet enn at dei stod ganske roleg og diskuterte løpa sine rett over målstreken. Særskilt imponerande var Marius Torbjørnsen sin prestasjon. I ein alder av 13 år fullførte han halvmaratonen i god stil. Også veslebroren Eirik gjorde ein god figur under 5419-løpet.

 

Det var lagt til rette for dei som ikkje sprang òg, med levande musikk, bord og kiosksal. Foto: Arne Vestbøstad

 

Resultata kan du lesa her.

 

Representantar for Stord øvst på pallen; I midten dagens raskaste på halvmaraton for menn: Lars Lunde. På andreplass Arnfinn Aadland (til venstre), og på tredje kom Johnny Raunholm. Foto: Arne Vestbøstad

Kvinnepallen etter halvmaraton: I midten: Førsteplass Mariana Novik, andreplass, til venstre, Inger Elisabeth Mæland og på tredjeplass kom Nina Aarbø Olsen. Foto: Arne Vestbøstad

 

Den første til å fullføra 5419-løpet: Anders Hundeide Magnussen. Foto: Arne Vestbøstad