Frå båt til bubil

Liv Svendsen f. Hatlevik (t.v.), Edvin Svendsen og Randi Tjoflot. Foto: Håkon C. Hartvedt

I over 45 år har Liv og Edvin Svendsen kost seg med båt i Fitjarøyane. Men no er det bubil som gjeld.

Begge er dei busett i Vikebygd, men Liv er fødd fitjarbu (dotter til Serina Hatlevik). Dei kjenner såleis godt til Fitjar og fasilitetane her.

Edvin er ikkje mindre begeistra enn Liv. – I Fitjarøyane finn ein alltid ein ledig holme, og ein holme som ligg i livd! smiler han. 

Men no er altså båtkjøl bytta med hjul.

No skal paret  ha seg nokre dagar på Fitjar i lag med eit venepar som har parkert bubilen sin ved sida av Svendsens.

– –

Tidleg i dag var det fem bubilar på Sjøsio, medan båtane kom i mindretal.

Det vil nok endre seg når godvêret set inn i dagane som kjem…