Treng du nytt pass?

 

 Hjarteleg velkomen til oss for å få pass, men hugs å bestille time på nett først. Då går alt så strålande greitt, smiler stordlensmann, Roald Raunholm.

Om du treng pass for første gong eller skal fornye det gamle, er det lurt å lese det som kjem nedanfor.

 For å få pass må du ta turen til Leirvik og Stord lensmannskontor. (Nytt bygg på Vabakken). Du får det ikkje på lensmannskontoret på Fitjar.

Men FØR du dreg dit må du bestille time på nett.

Det gjer du ved å gå inn på www.politiet.no og trykkje på Pass.

Så vel du Politiet i Haugaland og Sunnhordland – Haugesund, Karmøy, Stord, Vindafjord og Sauda, klikkar på Bestille time og følgjer instruksjonane vidare.

Hugs å notere bestillingsnummer eller print ut bestillinga.

Det opplyser lensmann på Stord og fitjarbu, Roald Raunholm, til Fitjarposten.