Suksess for KM i nattorientering på Fitjar

Foto: Rolf-Atle Rolfsnes

– Deltakarane let vel over gode løyper og fint terreng på Tveitafjellet, skriv Øyvind Skålevik på nettsida til FIL.

Rolf-Atle Rolfsnes hadde laga løypene og fekk skryt for det etter løpet. Løparane til dømes frå flat-Jæren let også vel om terrenget.

Skålevik skriv vidare at dei var rimelig skeptiske då dei vakna opp til nysnø i fjellet om morgonen, men også vêret var dei oss denne fredagskvelden. Det var delvis måneskin og regn/sludd som hadde synt seg tidlegare på dagen hadde opphørt då dei skulle rigga til rundt samlingsplassen.

Start frå Olstjødn
Starten gjekk frå Olstjødn frå kl 22 og utover. Løypene gjekk på vestsida av Kidno, og dei lengste var ein god tur bortover Tveitafjellet før returen gjennom øvre del av plantefeltet på Rimbareid. Siste stykket frå nest siste posten og opp til mål gjekk gjennom tung myr og ca 50 m stigning, så dei fleste hadde lite att til nokon super spurt. Likevel var det lite klaging å høyra.

Løpet gjeld som Krinsmeisterskap for både Hordaland og Rogaland O-kretsar. 52 løparar fullførte.

Jonny Huse var oppnemnd kontrollør frå kretsen og passa på at løyper og anna var i tråd med regelverket.

Resultatlista ligg her. 

Takk til Harald, Frode, Geir Arne, Rolf-Atle og Sigmund som var med på å arrangera, og også til Fitjar Kraftlag og Larsen AS som begge hjelpte oss med premiar og energi til arrangementet, skriv Øyvind Skålevik, til slutt.