Sterkt av Ole Andre & co

Foto: stordnytt.no

– Sterk  «Queen-tribute» frå Westerheim  & co, skriv stordnytt.no etter at Ole Andre Westerheim, med gode medspelarar, framførte Queen-showet han hadde på FItjar på «Arena» på Stord, laurdag kveld.

 

– Det blei ei sterk stund med songar, kor og musikarar i toppform  – og eit like songglad blandakor i salen.  Queen er tydelegvis ei  gruppe som har mange  vener også på Stord – i mange aldrarar – som alle kan tekstane til det britiske bandet utaboks.  Så fekk då også salen mykje skryt for  både song og entusiasme frå  troppen på scenen.

Westerheim  imponerte  igjen med  kraftig og solid røyst, med  rørsler og klede (ja singletten var der) som gjekk  Queen-sjef Mercury ein høg gang. Han heldt heile konserten (halvannan time) god dialog med publikum  og jobba saman med bandet fram til ei heidundrande  avslutting med  hittane: «Bohemian Rhapsody»,  «Radio Ga Ga»,  «We are the champions» og sjølvsagt  «We will rock you».  Då var Arena på kokepunktet, skriv vår kollega på Stord, som òg gjev ros også for prima lyd og imponerande  lysbruk.

Andre fitjarbuar som deltok på konserten var Karine Lillenes (kor) og Ingrid Bergesen (kor).