Konsertar for gode føremål

Ein del av dei som vert med på «Julestemning på låven». F.v. Gurid Refvik, Steinar Vik, Heine Helland og Harald Rydland. Arkivfoto: FP/HCH

Konsertar for gode føremål

 Fleire konsertar i Fitjar i helga støttar opp om gode føremål.

Laurdag
ønskjer ei rekkje av våre kjende musikarar velkomen til «Julestemning på låven» der heile inntekta går uavkorta til Frelsesarmeen si julegryte. Låven det er snakk om er låven til Lars Ove Rimmereid, og det er lagt opp til at ein kan parkere ved Rimbareid skule og følgje lysløype heilt fram. Med på konserten vert songarane Gurid Refvik, Silje Rydland og Arve Rydland, musikarane Hans Kopperstad (fele), Heine Helland (bass), Per Egil Larsen (gitar), Steinar Vik (trommer) og Harald Rydland (piano, trekkspel og trøorgel). Konserten startar kl 18.30

Søndag 
er det «Me syng jula inn» i Fitjar bedehus, kl 16.00, der det vert kollekt med meldinga «Me deler med dei som har mindre enn oss».
Elles er det «Praise Him» med små og store vener som bed inn til denne konserten der det vert «song av små og store i «Grupper», kor, fellessong og Husorkester.»

Fredag kveld
er det konsert med Marianne Juvik i Fitjar kyrkje saman med Osternes Mannskor. Her er det inngangspengar, men det er òg innsamling til Misjon uten grenser sin julepakkeaksjon. Denne konserten startar kl 19.00.