Eventyrleg

 

Fiksjonsfigurar. F.v. Snømannen Olaf (Taan), prinsesse Anna (Synniva), Fear: Sara, Maria og Hanna. Foto: Håkon C. Hartvedt

Ja, eventyrleg vart det bokstaveleg talt då rundt 100 barnehageborn samla seg til eventyrstund på Fitjar vgs tidlegare i dag. 

Det var elevane på Barn- og ungdom ved Fitjar vgs som tradisjonen tru framførte eit sjølvskrive eventyr basert på ei rekkje kjende eventyr- og fiksjonsfigurar. 

Eksempelvis fekk borna møte Tommelise, Askepott, figurar frå «Frost», Pippi og gjengen, Ole Brum med vener, Fe-ar, Hoff-folk, vakter, politimeister Bastian og tante Sofie.

Artig og spennande som alltid.

Opplegget er ein del av Ukraina- prosjektet som Barn og ungdom på Fitjar vgs har jobba i 10 år. Såleis jubilerer dei når dei neste gong skal avstad til Bobrinetz med gode ting til borna på barneheimen der støttar der. Dei har òg jobba for at eldre skal få det betre.

Elevane på denne linja står òg for Fitjar sin peparkakeby. 

-– No er det blitt slik at folk etterlyser denne, smiler Sissel Jørgensen. Ho fortel at alt no er klart i 2. etg. i Larsenbygget (sjåbiletet ovanfor), så det er berre å koma med kunstverk i peparkakedeig som kan stillast ut.

Dronning Else (Catharina) og pronsesse Anna (Synniva). Vakter: Marianne og Ida. Foto: Håkon C. Hartvedt