Det er ein båt lik denne som no er bestilt. Foto: FMV

 

Ny båt frå Sveiseneset til KB Dykk

 

Måndag kunne verftsdirektør Hugo Strand sleppa pressemeldinga om at Fitjar Mekaniske Verksted skal levera nok ein arbeidsbåt til KB Dykk.

 

 

Dette er den fjerde båten verftet leverer til KB Dykk på cirka ti månader, og den skal etter planen overleverast i april 2016. Båten er av typen HFMV W15, Sørfonn-klassen og har dimensjonane 15x12x3,9 meter (LxBxD), og båten får byggenummer FMV 223. Heile båten skal byggjast på Fitjar.

 

I 2014 sette KB Dykk seg som mål å bli blant dei leiande leverandørane av servicetenester til havbruksnæringa, og verftsdirektør Hugo Strand ser på det som ei fjør i hatten at dette offensive selskapet ønskjer å nytta seg av design og produkt frå FMV og Heimli for å nå dette målet.

 

– Me har bygd fleire båtar hjå FMV på Fitjar. For oss er det avgjerande med ein partnar som leverer kvalitet og tilhøyrande sikkerheit, i og med at maksimal «oppetid» er ein faktor me og kundane våre legg stor vekt på, uttalar Ola Krystad i KB Dykk i pressemeldinga frå FMV.