No er alle Fitjar sommarguidane som blei trykka for sesongen 2013 i omløp.

Sommarguiden blir produsert av Fitjarposten og levert til mellom anna lokale butikkar og Fjord1-ferjene som går mellom Sandvikvåg og Halhjem.

I går, tysdag 30.07, skreiv avisa Sunnhordland at det ikkje ligg nokon spesiell turistinformasjon om Fitjar på Fjord1-ferjene.

For om bord på ferjene er dei nemleg heilt tomme for sommarguiden, noko redaktør Håkon C. Hartvedt beklagar.

– Men det er veldig flott at folk tar dei med seg, det er bra, seier han.

Til neste år vil Fitjarposten trykke eit par tusen eksemplar meir.

– Dei har foke ut som aldri før, så me må trykkja fleire til neste år, seier Håkon Hartvedt.