To scoringar av Øyvind Fykse Lie på slutten av kampen berga eitt poeng for Fitjar mot Kvernbit. Foto: FP-arkiv / Kjetil Rydland.

Fitjar måtte nøya seg med 0-0 mot botnlaget Inter Bergen i seriekampen på Fyllingsdalen stadion fredag kveld.

Haustens første siger lar venta på seg for hardt prøvde Fitjar-gutar, som kjempar i botnen av 5. divisjon. Heller ikkje denne gongen gav dei trenaren mykje å jubla for, og Leif «Dikki» Steensohn jublar då heller ikkje mykje i kveld.

– Det var ein skuffande prestasjon, sukkar Fitjar-trenaren i samtale med Fitjarposten etter kampen i Bergen.

Laget hans hadde sjansar nok til å scora både eitt og to og tre mål, men dei misbrukte dei mest opplagde tilbod. Dei manglar sjølvtillit i avgjerande situasjonar. Spelarane stressar, og det er nok typisk på grunn av den situasjonen laget er i.

– Me har hatt altfor få gode treningar med godt frammøte til å skapa offensive relasjonar, utdjupar Fitjar-trenaren, og spelarane vel altfor vanskelege løysingar framover på banen.

På plussida i kveld framhevar «Dikki» ein god dommatrio, og at spelarane hans ikkje pådrog seg gule kort. Men han måtte sjå at det suverene botnlaget Inter Bergen sikra seg sesongens aller første poeng, medan Fitjar no ligg veldig stygt plassert på nest siste plass i 5. divisjon.

– Neste kamp må me vinna! seier «Dikki» til slutt.

Det er ikkje vanskeleg å vera eining med Fitjar-trenaren i at me må vinna mot Bønes neste laurdag.

Inter Bergen – Fitjar 0-0
seriekamp 5. divisjon avd. 03 Hordaland
Fylingsdalen stadion
Fredag 31. august kl. 20.00
Dommar: Amang Kanyl, SK Trane

Fitjar sitt lag mot Inter Bergen: Ruben Træet, Brynjar T. Engelsen (Kristian Træet 70.), Leif Tore Aarland, Torbjørn Korsvik, Svein Arne Raunholm, Helge Myrmel Træet (kaptein), Jonas Aleksandersen (Mats Vestvik 65.), Jonas Tislevoll (Lars T. Engelsen 90), Øyvind Fykse Lie, Daniel Skarpnes og Rezwan Kadir.