Tirsdag 22. Mai 2018


SV og dei vidaregåande skolane i Sunnhordland


Hordaland SV går både mot å leggje ned utdanningsprogram på dei vidaregåande skolane i Sunnhordland og mot å leggje ned vidaregåande skolar i Sunnhordland.

Dersom Hordaland fylkeskommune vil spare pengar på å leggje ned og slå saman vidaregåande skolar, må dette skje i Bergen. Her blir konsekvensane for elevane mindre enn om det skjer i distrikta.

Det står i den fylkeskommunale skolebruksplanen at ingen elevar bør ha meir enn ein times reisetid frå bustaden til skolen. Dersom skolar eller utdanningsprogram på skolane blir lagt ned, vil mange elevar få meir enn ein times reisetid til skolen. Vi må også tenke på klima og miljø og ikkje leggje opp til meir transport enn nødvendig.

Dersom elevar skal bu på hybel, kan dette medføre ei ekstrautgift som ikkje alle foreldre/elevar har råd til sjølv om dei får støtte frå Lånekassen. Dette vil bryte med prinsippet om at den vidaregåande skolen skal vere gratis for alle. Elevar kan bli hindra i å ta den utdanninga dei ønsker. Elevar som bur på hybel mister oppfølging frå foreldra i skolekvardagen. Fråfallet i skolen kan bli større.

Det er svært viktig for rekruttering av kvalifisert arbeidskraft til næringslivet i distrikta at dei vidaregåande skolane får halde fram med same breidda i utdanningsprogramma som i dag. Dette aukar også sjansen for at elevane vil bli buande i heimkommunen sin i framtida. Til dømes er reiseliv ei distriktsnæring som treng lærlingar som har gått på Restaurant- og matfag. Både Kvinnherad og Fitjar vidaregåande skolar må oppretthalde tilboda sine om Restaurant- og matfag. Det er også viktig at dei vidaregåande skolane har god blanding av tradisjonelle jente- og gutefag.

Region Sunnhordland bør ha tilbod om studiespesialisering med formgjevingsfag.
Hordaland SV vil oppretthalde Kvinnherad vgs, Austevoll vgs, Etne vgs, Bømlo vgs, Rubbestadneset vgs, Stord vgs og Fitjar vgs med alle utdanningsprogramma og klassane som skolane har i dag.

Litt fleire terner i år?

20.05.2018 Kjetil Rydland

Terna går inn for landing. Foto: Kjetil Rydland.  Litt fleire terner i år? I mai set makrellternene sitt preg på fuglelivet i Havn med sin karakteristiske vellyd, og det kan sjå ut som...

Les meir ...

På handballfestival i strålande pinstivê…

19.05.2018 Kjetil Rydland

Kjekt på Handballfestivalen; f.v. Elisabet, Elise, Runar Øvrebø (gymlærar for jentene), Tomine og Andrine.  På handballfestival i strålande pinstivêr Hanballfestivalen på Stord er i full gang i ideelt festivalvêr, og Fitjar er...

Les meir ...

Harald Rydland sin tale på 17. mai

18.05.2018 Kjetil Rydland

Harald Rydland held tale i Kultursalen 17. mai. Foto: Kjetil Rydland. Harald Rydland sin tale på 17. mai 2018 Talen som Harald Rydland heldt på 17. mai, var vel verdt å høyra...

Les meir ...
annonse

Pinseaftan: Butikkane stengjer klokka 16…

18.05.2018 Kjetil Rydland

Pinseaftan: Butikkane stengjer klokka 16! I morgon er det pinseaftan, og då stengjer daglegvarebutikkane klokka 16.00.

Les meir ...

Ho vil erstatte Terje Træet i sommarrevy…

18.05.2018 Jonas Sætre

Ho vil erstatte Terje Træet i sommarrevyen Anne Marith Sandhåland erstattar Terje Træet i årets sommarrevy. Terje Træet melder avbod til årets sommarrevy i Fitjar grunna helsemessige årsaker.

Les meir ...

Friluftsgudsteneste 2. pinsedag

18.05.2018 Kjetil Rydland

Frå friluftsgudstenesta 2. pinsedag i fjor. Foto: Torbjørn Hovland. Friluftsgudsteneste 2. pinsedag Det blir frluftsgudsteneste 2. pinsedag i år òg, får me opplyst i ei pressemelding frå Fitjar kyrkje.

Les meir ...
annonse

Glimt frå Handballfestivalen

20.05.2018 Kjetil Rydland

Tolvårslaget ståande bak med trenar Karen Elisabet R. Sæbø t.h. Framme ligg tre jenter frå elleveårslaget. Foto: Kjetil Rydland.  Glimt frå Handballfestivalen Fitjar har hatt seks lag i aktivitet under Handballfestivalen, og...

Les meir ...
annonse