Ikkje mykje julestemning i Fitjar Sentrum!
LESARBREV: Eit glise juletre framfor rådhuset... Litt grønt m. ljos over nokre av butikkane... Men elles er det lite julestemning i Fitjar sentrum, og utanfor Fitjar kultur- og idrettsbygg er det slett ikkje noko!
Men ære vera  Lauritz, som pyntar opp med blomar om sommaren og lys og fargar rundt juletida!
Kva kunne vore gjort, t.d. av Fitjar kommune? Jo, dei kunne friska opp fronten på rådhuset med lys og fargar (over inngangsdøra) ...
Og dei kunne illuminert treet som står på bakken framfor huset (sjå Rådhuset på Leirvik).
Kulturhuset kunne jo t.d. hatt eit juletre framfor +++ ( - og så vil eg minna om at det kanskje er på tide at dei får ei flaggstong!)
Vel, vel, det er vel for seint no...? Og til neste år er det vel gløymt... viss ikkje nokon minner om det... atter ein gong.
God jul!
Helsing
Karvel Strømme
