Spennande temakveld

Torsdag 26. januar er det ny temakveld i Fitjar kyrkje. Denne gongen er det professor og psykiater Ingvard Wilhelmsen som vil halda foredrag. I tillegg vert det svært spennande songinnslag.

Fakta

Ingvard Wilhelmsen er kjent som ein framragande foredragshaldar. Elles er han professor ved Institutt for indremedisin og spesialist i fordøyelsesjukdommar og psykiatri. I 1995 starta han ein en liten hypokonderklinikk. Elles har han skrive mange kritikarroste bøker, mellom anna om tanken si makt:  "Sjef i eget liv". Han er også godkjent rettleiar i kognitiv terapi, og kjent som ein framragande foredragshaldar.

Rhoda Gravem vert å høyra i Fitjar kyrkje.

---

Wilhelmsen held foredrag temaet "Hvor mye skal vi bekymre oss her i verden? Hva sier Jesus?"

PÃ¥ temakvelden har han med seg kona si, Rhoda Gravem. Ho er profesjonell songarinne, utdanna i Kenya, USA og Noreg. Ho fekk Rikskonsertenes debutpris i 1990 og har hatt ei rekke solistoppdrag i inn- og utland.

Rhoda song mellom anna under utdelinga av Nobels fredspris til Wangari Maathai Oslo Rådhus i 2004. For tida er ho musikalsk ansvarleg for oppføringa av den første kenyanske opera i Nairobi i april 2012.

- Med glimt i auga og humoristisk vri trollbind Wilhelmsen publikummet sitt og får latteren til å sitje laust medan han gir deg eit nytt syn på livet.

Med Rhodas vakre song i tillegg vil kvelden i Fitjar kyrke bli uforgløymeleg, reklamerer Eli Simonsen i nemnda for dei populære temakveldane i kyrkja.