Ein god fjerdeplass i NM

Fitjar skulekorps kunne jubla over 93 poeng og ein fin fjerde plass i NM for skulekorps i Stavanger i dag.

Kornettrekkjene i Fitjar skulekorps under framføringa på NM-scenen.

Torstein Træet og paukene var viktige i NM-stykket Dakota.

Audun Arthur Mehammer og Ragnhild Prestbø representerte Fitjar skulekorps på scenen under premieutdelinga.

Resultatlista for 3. divisjon i NM for skulekorps 2011.

---

Etter ei svært god framføring av NM-stykket Dakota, den beste dei har prestert nokon sinne, og ei spennande premieutdeling kunne korpset og støttespelarane jubla over ein sterk fjerde plass. Seksten korps  deltok i 3. divisjon for brass band, og berre tre av desse kunne visa til betre prestasjonar enn Fitjar skulekorps. Nivået var høgt og resultatet jamt. Det var berre eitt poeng som skilte dei ulike korpsa, og med sine 93 poeng låg Fitjar berre tre poeng under vinnarkorpset Midtre Sotra skulekorps.

Musikantane var strålande nøgde, både med eigne prestasjonar og resultatet, og det var ein rørt og stolt dirigent Svein Roger Koppang og leiar Ole Christian Ottestad som takka musikantane etter framføringa og skrytte over kor godt dei har øvd den siste tida. Resultatet var såleis vel fortent, og noko både musikantar, dirigent, støttespelarar og heile Fitjarbygda kan vera stolte av og jubla over.

Du kan lesa meir om NM for skulekorps på Norges musikkorps forbund si heimeside her.