Fredag 22. Juni 2018


Mange på Fitjar nytta seg av høve til å levera sekkar med kle til Romaniahjelpa som var på plass i Fitjar sentrum laurdag ettermiddag.

Kor mange det eigentleg var er ikkje godt å seia for me var berre innom som snarast, men Tor Benjaminsen som er dagleg leiar og resten av Romaniahjelp-teamet som var på Fitjar skrytte av oppslutnaden. Både deira og våre erfaring er at folk følgjer med på kor tid dei kjem, og førebur seg med å rydda gjennom klesskapa til ungane for å samla saman i bossekkar det ungane har vokse frå men som fortsett er heilt og fint. Gjengen skryt og av facebook som er eit godt verktøy når dei skal spreie informasjon om innsamlingane, og dei har ein eigen profil her.

Romaniahjelpa brukar vera på Fitjar to gongar i året, og i tillegg har og Barmhjertighetsbussen frå Stord vore innom for å samla inn kle til hjelpetrengande i Ukraina, og forsett stiller folk opp med nye sekkar. Stoppet på Fitjar er ein del av ein større innsamlingsturne. Lastebilen kom denne gongen direkte frå innsamling på Leirvik og etter ein halv times stopp på Fitjar gjekk kursen vidare mot Nordhordland.

Romaniahjelpen Vestlandet vart stifta i 2009 og driv mellom anna med innsamlingar i Hordaland og Sogn og fjordane. Foreininga er ein idealistisk, frittståande, velgjerande organisasjon utan politisk eller religiøs tilknyting. Alt arbeid vert utførd av frivillige, positive krefter, som dei seier. At den gjengen som er på Fitjar er positive er det heller ikkje tvil om. Vert ei bildør opna og dei skimtar ein svart sekk er dei på plass, løftar sekken med eit smil, takkar og klistrar på lappar med kodar for kva sekken inneheld. Dei tek imot både kle, sko, leiker og det dei kallar "mjuke" hushaldningsartiklar. Alt må sjølvsagt vera heilt og reint, og dei tek 100 kroner i frakt for kvar sekk. Så vert innhaldet formidla vidare til hjelpetrengande i Romania under mottoet Ganduri calde den Norvegia - Varme tanker fra Norge.

Dei som møter fram har hundrelappen klar og bytar den mot ein informasjonslapp om Romaniahjelpen. Foreininga jobbar med tre prosjekt i samarbeid med Fylkesbarnevernet i Sibiu i Romania, to barneheimar og ein SFO for ungar under fattigdomsgrensa. Fitjarfolk me snakka med veit lite om dette og er stort sett ikkje så opptekne av kven som samlar inn, dei er berre glad for at nokon tek innsamlingsjobben og får dette frakta ut til nokon som treng det. Dei innsamla sekkene vert lagra til hjelpa har nok til å fylla ein semitrailer. Same dag som dei er på Fitjar er ein trailer med 11 000 sekkar på veg til Romania. Dei vaksne i flokken skrytte uhemma av ungdomane dei har med, som jobba til langt på natt og stua så godt at dei fekk langt meir enn forventa inn i traileren. I påska skal 14 frivillige arbeidarar bytta ut Kvikklunch, appelsin og norsk påske med ein sjølvkosta tur med fly til Romania for å vera med på utdelinga.

Du kan lesa meir om arbeidet til Romaniahjelpen på heimesida deira her.

Butikkar og tenester i sentrum "Klikk for å sjå alle"

.

- Ikkje snakk ned kommunen vår!

21.06.2018 Harald Johan Sandvik

– Ikkje snakk ned kommunen vår! Rådmann Olaug Haugen og økonomisjef Trond Salmo informerer, Foto: Harald Johan Sandvik Snakk ikkje ned kommunen og den økonomisk situasjonen! Det var bodskapet frå kommunestyret i...

Les meir ...

Betelskipet tilbake til Fitjar

21.06.2018 Håkon C

Betelskipet tilbake til Fitjar   Betelskipet «Elieser 6» kjem tilbake til Fitjar på fredag, legg til ved Meierikaien og har kveldsmøte om bord.

Les meir ...

Fitjar har det dyraste byggesaksgebyret …

20.06.2018 Jonas Sætre

Fitjar har det dyraste byggesaksgebyret i Hordaland Medan Granvin kommune tek 4610 kroner i byggesaksgebyr, tek Fitjar komune heile 28.000 kroner for å gjere den same jobben.

Les meir ...
annonse
annonse

Samisk dag på Selevik skule

20.06.2018 Kjetil Rydland

Elevane har sett opp lavvoane, og Colin Alexander Peitisch viser at han har godt tak på lassoen. Foto: Kjetil Rydland.  Samisk dag på Selevik skule Friluftsrådet Vest skipa til "Samisk dag" for...

Les meir ...

Fitjar Mekaniske skriv kontrakt om nødsl…

20.06.2018 Kjetil Rydland

Eigenutvikla nødslaktefartøy skal byggjast ved Fitjar Mekaniske Verksted.  Fitjar Mekaniske skriv kontrakt om nødslaktefartøy Fitjar Mekaniske Verksted skreiv i går kontrakt med Austevoll-selskapet Servicebåt As om bygging av eit nødslaktefartøy med eigenutvikla...

Les meir ...

Variert haust med Temakveldgruppa i Fitj…

19.06.2018 Kjetil Rydland

Alverflaten Jazzband med konsert i Fitjar kyrkje under Fitjarfestivalen 9. august.  Variert haust med Temakveldgruppa i Fitjar kyrkje Haustprogrammet for temakveldene i Fitjar kyrkje er klart, skriv Eli Simonsen, som kan lova ein...

Les meir ...
annonse

Fagtorg "Klikk for å sjå alle"


A-laget slo Halsnøy / Trio 2!

21.06.2018 Kjetil Rydland

Daniel Skarpnes blei dagens mann i kampen mot Halsnøy / Trio 2 med to scoringar. Foto: FP-arkiv/KR. A-laget slo Halsnøy / Trio 2! Torsdag kveld sikra A-laget til Fitjar seg tre viktige...

Les meir ...
annonse