Karatefolket hausta medaljar i haustferien!

Søndag 4. oktober var 6 unge karateutøvarar i Bergen og henta heim 8 medaljar.

Frå Bente Koløen i Fitjar har me fått denne stemingsrapporten frå Haukelandshallen:
"Høgtidleg skal det være, sjølv for juniorar. På kvar matte er det fire hjørnedommarar og ein hoveddommar. To deltakarar er på matta samtidig. Ein deltakar er blitt "merka" med raudt band- dersom det er flest raude flagg frå dommarane er det den som vinner. Dersom det er flest kvite flagg, er det den som ikkje har det raude bandet på seg. Spenninga er til å ta å føle på, iallefall når det er Fitjarbuar på matta. Så er det semifinale, også er det finale. Raude flagg, kvite flagg, uavgjort og omkamp. Delatkarane minkar- etter nokon timar er det "over":  8 medaljar har blitt hausta til Fitjar! ..Ein svært spennande søndag for tilskuarar og utøvarar- ein fin start på haustferien."

Seks unge utøvarar frå Fitjar Karate Senter var i Bergen for å delta i JKA Cup, som blei arrangert i Haukelandshallen. Med over 270 startarar fordelt på kata (kamp) og kumite (mønster) blei det mange spennande kamper for både utøvarar og tilskodarar.

Dei 6 utøvarane fekk med seg 8 medaljar heim til Fitjar.

Christina R. Koløen: 2 gull (kata og kumite)

Jon Inntveit: 1 gull (kata)

Rebecca R. Koløen: 1 sølv (kumite)

Chayenne Berntsen: 2 sølv (kata og kumite)

Edith Helland  2 bronse (kata og kumite)

Chayenne Berntsen tek imot medalje. Foto: Bente Koløen.

Dommarar og ein del av utøvarane. Foto: Bente Koløen.