Måndag 25. Juni 2018


Hakkebakkeskogen mot mobbing

Elevane på 5. trinnet på Rimbareid skule har satt opp teaterframsyninga "Dyrene i Hakkebakkeskogen" denne veka, med tre framsyningar i gymnastikksalen på skulen.

Forteljinga om Klatremus, reven, Morten Skogmus, harepus, bakarguten og dei andre dyra i Hakkebakkeskogen er kjend for dei fleste. Men med lokale aktørar på alle plan og med  nye spennande vriar og innslag fekk den kjende Egner-forteljiinga heilt nye dimensjonar i gymnastikksalen på Rimbareid skule denne veka. Artige og uventa innslag som at bakarguten ringde heim til mor si då han frykta han hadde bomma på peparkakeoppskrifta og at den sjølvgode reven dansa til "The Fox" gjorde teaterstykket "nytt" og annleis.

Eit svært godt dyre-kor løfta framsyninga og det var mange flotte solistar i sving. Denne kvelden vart me likevel først og fremst imponert av dei flotte skodespelarprestasjonane og den store innlevinga i rollene. Reven Vuk Vucenovic var ein av mange unge aktørane som briljerte i rolla si, og som det kunne sjå ut som var fødd på ein scene.

Det heile starta med både lureri, plaging, tjuveri og uvenskap men enda med vennskap og stor fest for bamsefar som fylte femti år "omtrent på denne tida". På festen song dei både ein ny, fengslande song mot mobbing og den kjende fødselsdagssongen for bamsefar i Lia. Mobbesongen har ingenting med Egner si dikting å gjera. Den er henta frå Frode Skålevik og Helle Ingunn Aaneland sin musikal "Stopp. Ikkje mobb!,  men passa svært fint saman handlinga i stykket frå Hakkebakkeskogen, og vart ekstra understreka med dei flotte "Mot mobbing"-huene som elevane hadde på seg og som fitjarposten.no har skrive om tidlegare.

På fødselsdagssongen var det og med eit svært sjarmerande harekor frå 1. klasse.

Alle dei 32 elevane på 2. trinnet tok aktivt del i framsyninga, anten som songarar, musikarar, skodespelarar, forteljarar, scenearbeidarar eller teknikarar. Det ligg svært mykje arbeid og øving bak ei slik framsyning og det var difor ekstra kjekt at dei får synt teaterstykket heile tre gongar. Første gong var for inviterte barnehagar torsdag føremiddag, så var det ei open framsyninga for foreldre, søsken og andre interesserte torsdag kveld og til slutt vert det framsyning for 2.-7. klasse på Rimbareid skule fredag føremiddag.

Etter avslutta framsyning torsdag kveld vanka det velfortente blomar og ros til elevar og lærarar, og premierefest med champagnebrus i stettglas og god kveldsmat.

270314 hakkebakkeskogen foto HR4

Ein trøtt Bamsefar (Anders B. Langeland) tok heilt til slutt imot fødselsdagsgratulasjonar frå dei andre dyra i Hakkebakkeskogen. Foto: Helga Rimmereid

 

 

 

 

 

Lunsjkonsertar i kyrkja

22.06.2018 Kjetil Rydland

Fitjar kyrkje med nytt orgel. Foto: Jan Overweg Lunsjkonsertar i kyrkja Kantor Jan Overweg byr på tre lunskonsertar i kyrkja i sommar, den første i morgon, laurdag.

Les meir ...

Samferdselsminister Solvik-Olsen til Fit…

22.06.2018 Kjetil Rydland

Samferdselsminister Ketil Solvik-Olsen er venta til Sveiseneset torsdag i neste veke. Foto: Samferdselsdepartementet. Samferdselsminister Solvik-Olsen til Fitjar Mek. Fitjar Mekaniske Verksted får besøk av samferdselsminister Ketil Solvik Olsen før han avsluttar ei...

Les meir ...

Hatlevikbasaren

22.06.2018 Kjetil Rydland

Mykje folk og god stemning på Hatlevikbasaren. Foto: FP-arkiv/HCH.  Hatlevikbasaren Søndag 7. juli er det igjen klart for den tradisjonsrike Hatlevikbasaren.

Les meir ...
annonse
annonse

Høyr NM-programmet til Fitjar Skulekorps…

22.06.2018 Kjetil Rydland

Fitjar Skulekorps i toppform til NM  Høyr NM-programmet til Fitjar Skulekorps! Fitjar Skulekorps inviterer til før-NM-konsert i Fitjar kultur- og idrettsbygg onsdag i neste veke. 

Les meir ...

A-laget slo Halsnøy / Trio 2!

21.06.2018 Kjetil Rydland

Daniel Skarpnes blei dagens mann i kampen mot Halsnøy / Trio 2 med to scoringar. Foto: FP-arkiv/KR. A-laget slo Halsnøy / Trio 2! Torsdag kveld sikra A-laget til Fitjar seg tre viktige...

Les meir ...

- Ikkje snakk ned kommunen vår!

21.06.2018 Harald Johan Sandvik

– Ikkje snakk ned kommunen vår! Rådmann Olaug Haugen og økonomisjef Trond Salmo informerer, Foto: Harald Johan Sandvik Snakk ikkje ned kommunen og den økonomisk situasjonen! Det var bodskapet frå kommunestyret i...

Les meir ...
annonse

Rekordar i Midtfjellet Halvmaraton

23.06.2018 Kjetil Rydland

Vidar Aarskog og Fitjar Idrettslag fekk besøk av to toppidrettsmenn i går, Senay Fissehatsion sette ny, suveren løyperekord, og Michael Ande Tesfamichael var ikkje stort dårlegare. Foto: Kjetil Rydland. Rekordar i Midtfjellet Halvmaraton Løyperekordane fall...

Les meir ...
annonse