Tirsdag 22. Mai 2018


Siste innspurt før valet

I dag føremiddag stilte lokale politikarar opp og gjorde ein siste valkampinnsats for moderpartia i forkant av stortingsvalet 2009.

No er det kun to dagar att til valet, og det var siste gong i denne omgang at det var partistandar i sentrum. I dag var det lokale politikarar som stilte opp for moderpartia. Både Høgre, Framstegspartiet, Kristeleg folkeparti, Senterpartiet, Sosialistisk venstreparti og Arbeidarpartiet var på plass. Det var regnfult og tungt ver, og ikkje så  mykje folk å sjå, men nokre stoppa opp for å ta ein prat med politikarane. Det var flest av dei godt vaksne og dei i den eldre garde, og mange hadde allereie si klare meining om kva dei skulle stemma.

Politikarane prøvde likevel å lokka folk til seg med alt frå ballongar, drops, slikkepinnar, roser, lighterar, vaflar osv. Og innmellom dukka det opp nokon som ikkje hadde bestemt seg endå, og som gjekk frå stand til stand for å samla informasjon, og då aller helst kort og konsis informasjon. Då stod politikarane parat til å leggja fram sitt partiprogram og sjølvsagt argumentera for deira politikk.

Om dei ulike partia sanka så mange stemmer akkurat i dag er ikkje godt å seia, men dei fekk iallefall markert seg, og dei kom i snakk med folk. Det var litt prat om politikk, litt vanleg bygdeprat og ein del humoristiske historiar, slik det plar vera når fitjarfolk møtes.

Nokre få har mista all tru på alle politikarane og vil ikkje ha noko med dei eller lokkemidla deira å gjera, men dei fleste seier dei er engasjert, at det er viktig å vera angasjert og at dei sjølvsagt skal nytta si stemme på måndag.

Nytt av året er at samstundes med stortingsvalet vert det og soknerådsval og val av bispedømeråd. Alle som er medlem i statskyrkja kan stemma her og valet føregår i same lokaler og til same tid som stortingsvalet.

Me minner om opningstidene for dei ulike vallokala og ynskjer alle lukke til med valet!

Meir informasjon om dei ulike vala kan ein finna på:

http://www.fitjar.kommune.no/stortingsvalet-2009/stortingsval-2009/

http://www.regjeringen.no/nb/dep/krd/kampanjer/valg.html?id=456491

http://www.kirken.no/bjorgvin/tekstsider.cfm?id=244068

http://www.kirken.no/?event=doLink&famID=85802

 

Litt fleire terner i år?

20.05.2018 Kjetil Rydland

Terna går inn for landing. Foto: Kjetil Rydland.  Litt fleire terner i år? I mai set makrellternene sitt preg på fuglelivet i Havn med sin karakteristiske vellyd, og det kan sjå ut som...

Les meir ...

På handballfestival i strålande pinstivê…

19.05.2018 Kjetil Rydland

Kjekt på Handballfestivalen; f.v. Elisabet, Elise, Runar Øvrebø (gymlærar for jentene), Tomine og Andrine.  På handballfestival i strålande pinstivêr Hanballfestivalen på Stord er i full gang i ideelt festivalvêr, og Fitjar er...

Les meir ...

Harald Rydland sin tale på 17. mai

18.05.2018 Kjetil Rydland

Harald Rydland held tale i Kultursalen 17. mai. Foto: Kjetil Rydland. Harald Rydland sin tale på 17. mai 2018 Talen som Harald Rydland heldt på 17. mai, var vel verdt å høyra...

Les meir ...
annonse

Pinseaftan: Butikkane stengjer klokka 16…

18.05.2018 Kjetil Rydland

Pinseaftan: Butikkane stengjer klokka 16! I morgon er det pinseaftan, og då stengjer daglegvarebutikkane klokka 16.00.

Les meir ...

Ho vil erstatte Terje Træet i sommarrevy…

18.05.2018 Jonas Sætre

Ho vil erstatte Terje Træet i sommarrevyen Anne Marith Sandhåland erstattar Terje Træet i årets sommarrevy. Terje Træet melder avbod til årets sommarrevy i Fitjar grunna helsemessige årsaker.

Les meir ...

Friluftsgudsteneste 2. pinsedag

18.05.2018 Kjetil Rydland

Frå friluftsgudstenesta 2. pinsedag i fjor. Foto: Torbjørn Hovland. Friluftsgudsteneste 2. pinsedag Det blir frluftsgudsteneste 2. pinsedag i år òg, får me opplyst i ei pressemelding frå Fitjar kyrkje.

Les meir ...
annonse

Glimt frå Handballfestivalen

20.05.2018 Kjetil Rydland

Tolvårslaget ståande bak med trenar Karen Elisabet R. Sæbø t.h. Framme ligg tre jenter frå elleveårslaget. Foto: Kjetil Rydland.  Glimt frå Handballfestivalen Fitjar har hatt seks lag i aktivitet under Handballfestivalen, og...

Les meir ...
annonse