Fredag 20. Juli 2018


Like offentlege tilskot!

Under parolen "Like offentlege tilskot!" arrangerte dei private barnehagane i Fitjar ein politisk aksjon, på sin måte, i dag.

Private barnehagar over heile landet aksjonerte i dag mot regjeringa sitt framlegg til nytt lovforslag angåande finansiering av private barnehagar. Paragraf 14 i barnehagelova seier at "barnehagar skal behandles likeverdig i forhold til offentlige tilskudd." Regjeringa føreslår å fjerna denne paragrafen og la det vera opp til kvar einskild kommune korleis dei vil finansiera barnehagane. Dette skal opp i stortinget 2. juni.

I Fitjar er det tre private barnehagar: Årskog barnehage, Fjellheim friluftsbarnehage og Bakken barnehage. Private barnehagers landsforbund oppmoda barnehagane om å stenga kl. 12.00 i dag, som ein protest mot regjeringa sitt forslag til nye rammevilkår. Barnehagane i Fitjar ynskte å støtta opp om den politiske markeringa overfor stortinget utan å skapa problem for foreldra ved å stenga barnehagane. I Fitjar gjorde barnehagane det derfor på sin eigen måte. Dei samla seg med alle ungane i Idrettsparken, og her ynskte Torunn Aarsksog frå Bakken barnehage velkomen til små og store til denne politiske markeringa. Mange ungar og ansatte var på plass, representantar frå barnehagestyra, nokre foreldre og besteforeldre dukka opp, og ordføraren og skulesjefen var på plass. Det var allsong med barnehageungane, parolar og apell ved foreldrerepresentant Rune Sandvik. Sandvik sa at me foreldre vert redde og usikre når det er snakk om å fjerna paragraf 14. Ungane er framtida, og me ynskjer at barnehagane skal kunna ha fokus på kvalitet og innhald. Me ynskjer ei foreldrebetaling som inkluderer alle. Me ynskjer likeverd for alle ungar i heile landet, og like vilkår for dei ansatte!

Dei private barnehagane fryktar at endring av rammevilkåra vil kunna ramma tilbudet i dei private barnahagane, slik som bemanning, opningstider, vilkår for ansatte, aktivitets- og utstyrsnivå. Dei ynskjer å sei klårt frå til regjeringa om at dei ikkje vil akseptera gambling med kvaliteten til ungar og ansatte i barnehagar.

Parolane til dei private barnehagane i Fitjar var:

Like offentlege tilskot!

Ja til private barnehagar!

Bevar kvaliteten for barn og tilsette i alle barnehagar!

Etterpå kunne ungane leika seg på den store grasmatta, med å springa, leika med ballar, ringar, fallskjerm m.m.  Markeringa i idrettsparken vart avslutta med is til alle ungane.


Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...
annonse
annonse

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...
annonse

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...
annonse