Fredag 20. Juli 2018


Uvanleg lang godversperiode, men likevel god vassforsyning

Når det er så lite regn som til dessar denne sommaren, er det ein og annan som undrast  om det snart blir vatningsforbod.

Denne veka gjekk Stord kommune ut med oppmoding om å spare på vatnet. Det minkar i vassmagasina deira. Me har lese liknande åtvaringar i andre kommunar også.
Me tok ein snartur innom kundetorget for å få litt opplysningar om stoda i vår kommune. Der trefte me to hyggjelege damer , Kristin Meland og Bente Fitjar. Dei hadde ikkje høyrt om restriksjonar på vassbruk, men  sa at Gisle Vik er rette mann å kontakte i dette høvet. Han  har teknisk vakt denne veka. Gisle fortel at det har vore ganske stort forbruk av vatn i mange veker, og nemner om lag 20 liter pr.  sekund på dagtid, men det er ikkje naudsynleg med restriksjonar på vassbruken. Det er rikeleg å ta av  i Svartavatnet.  Gisle legg til at mykje hagevatning likevel kan føre til problem. Når mange vatnar, blir det mindre trykk, spesielt lengst ute på leidningsnettet og på høgaste punkt.  Alle bør ha dette i tankane og bruke vet  med omsyn til hagevatning, avsluttar Gisle Vik. Reservemagasinet som vart bygt i Tislavollsmarka for få år sidan er med på å oppretthalde eit brukande vasstrykk. 
I kundetorget fekk me elles vite at juli er ein roleg periode på dei fleste kontor. Alle skal jo ha sine ferieveker og dei som er på vakt hjelper kvarandre for å halde dei viktigaste funksjonane i gang. Det er lite telefonar og få kundar som kjem innom.  Aktuelle spørsmål som dukkar opp gjeld småting vedkomande byggjesaker  eller til dømes reguleringsplanar som er lagt ut. Einskilde turistar tek ein snartur innom for å spørje om eitt og anna. Dei får rettleiing, men vert og minna om turistinformasjonen  på Fjordhotellet.
Agnar Aarskog er ordførar medan Wenche Tislevoll har ferie, men han har ikkje fast kontortid.

Ingressbilete:Desse rosene har nok fått litt vatn i sommar. Foto Turid Sandvik

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...
annonse
annonse

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...
annonse

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...
annonse