Fredag 20. Juli 2018


Turistar som stortrivest utan tak over hovudet

- Å køyre motorsykkel er ei fin ferieform, ja det er den beste! Slik uttalte dei seg to unge menn på to hjul gjennom Fitjar i ettermiddag.

Brørne Espen og Jan Fredrik Rutger hadde ein liten stopp i vegkrysset ved Øvrebygda bedehus for å stadfeste at dei  var på rett veg til Haugesund. Espen og Jon Fredrik starta turen frå Oslo sist fredag med kurs for Aurland via Gol  og Hallingskarvet.  Dei var imponerte over mektige fjell og  fjordar på Vestlandet. - Når ein køyrer motorsykkel, får ein verkeleg sjå landskapet , sa ein av dei. Men det må helst vere fint ver. Då nyttar brørne høvet til å sove under open himmel; dei nemner spesielt ei overnatting langs Sognefjorden, som gav  ei flott naturoppleving i godver. Telt er ikkje med i bagasjen deira. All matlaging føregår ute og posesuppe er ikkje noko middagsalternativ, nei då vert det heller kotelettar og surkål til dømes. Espen fortel at Jon Fredrik står for matlaginga. Stormkjøkken er med på lasset.

Karane droppa turen til Ålesund og vidare til Kristiansund via Atlanterhavsvegen fordi YR melde dårleg ver på dei traktene. Det vart i staden tur til Florø, Førde og vidare til Bergen. Og natt til i dag var det overnatting innomhus på Fitjar Camping.  Vermeldinga har gitt dei von om fint ver på ferda vidare til Stavanger og Kristiansand og då er planen å køyre ytre lei, som mange kallar det. Dei har ikkje ønskje om å unngå smale og svingete vegar for å kome heim att til Oslo.

Brørne har allereie planar for neste års ferietur, eit sterkt ønskje om å køyre til Alpane og kanskje Pyreneane, og då sjølvsagt  med motorsykkel.

Ingressbiletet viser brørne Espen (t.v.) og Jon Fredrik Rutger på motorsykkeltur.

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...
annonse
annonse

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...
annonse

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...
annonse