Fredag 25. Mai 2018


Spar Fitjar - Cup i strålande solskin

Både laurdag og i dag var det full aktivitet då aldersgruppa 1. – 4. klasse deltok i fotballturneringa som er årets største arrangement for fotballgruppa til Fitjar Idrettslag.

Minst 60 lag frå Stord, Solid, Trott og Selbjørn sine klubbar var påmelde i tillegg til Fitjar. Den flotte grasbanen var delt opp i seks minibanar og kampar vart spela på løpande band begge dagar. Ivrige gutar og jenter gjorde sitt beste for å sparke ballen i motstandaren sitt mål, sjølv om det ikkje vart ført opp kven som scora mest. Dei yngste spelarane debuterte på fotballbanen og mange hadde heller lita trening på førehand, men dei visste korleis ting skulle gjerast. Trenarar, foreldre og søsken stod på sidelinja og oppmuntra til innsats. Stolte besteforeldre var og blant tilskodarane. Kvar gruppe spelte tre kampar mot forskjellige lag og så kom høgdepunktet: Høgtideleg utdeling av pokal til kvar spelar. Det var minileiar Anne Helene Vestbøstad som stod for overrekkinga. Stolte og glade stod borna på pallen og fekk applaus av publikum, og mange tok sjølvsagt bilete av dei.

Mange av dommarane var også debutantar slik som tidlegare år. Dei eldste borna i denne turneringa spelte sine kampar på laurdag. Begge dagane var det mykje folk til stades og fotballgruppa får mykje ros for alt som var så godt tilrettelagt. Dette vart spesielt understreka av pappa John og dottera Ine Sofie, då me trefte dei ved utgangen. Ho deltok for tredje gong og var glad for pokalen ho fekk med seg heim til Leirvik. Eg likar fotball veldig godt, sa Ine Sofie, og føya til: Stord er beste laget!
Det ligg ein kjempestor dugnadsinnsats bak ein så vellukka Spar Fitjar – Cup.

Innfører totalforbod mot open eld

24.05.2018 Jonas Sætre

Innfører totalforbod mot open eld Illustrasjonsfoto: Pixabay Fitjar kommune innfører totalforbod mot open eld i grunna stor  gras-, lyng- og skogbrannfare.

Les meir ...

«Verdas o-dag» – ei global mønstring

23.05.2018 Kjetil Rydland

 Ola og Jon Fitjar Hjelle sprang den korte løypa, og kom i mål hakk i hæl. Foto: Kjetil Rydland. «Verdas o-dag» – ei global mønstring I går var Fitjar med på «Verdas...

Les meir ...

Flagget til topps for folkeauke!

23.05.2018 Kjetil Rydland

Ordførar Wenche Tislevoll med tommelen opp for folkeauken første kvartal i år. Foto: Kjetil Rydland. Flagget til topps for folkeauke! Ferske tal frå Statistisk Sentralbyrå syner at Fitjar kommune har kome opp...

Les meir ...
annonse

Godvêr og mykje folk på friluftsgudstene…

22.05.2018 Kjetil Rydland

Nærmare 150 menneske samla seg etter kvart i skråninga nord for Kidnavatnet før Fridleif Lydersen sette i gang gudstenesta. Foto: Kjetil Rydland.  Godvêr og mykje folk på friluftsgudstenesta Over 150 soknebarn i alle...

Les meir ...

Glimt frå Handballfestivalen

20.05.2018 Kjetil Rydland

Tolvårslaget ståande bak med trenar Karen Elisabet R. Sæbø t.h. Framme ligg tre jenter frå elleveårslaget. Foto: Kjetil Rydland.  Glimt frå Handballfestivalen Fitjar har hatt seks lag i aktivitet under Handballfestivalen, og...

Les meir ...

Litt fleire terner i år?

20.05.2018 Kjetil Rydland

Terna går inn for landing. Foto: Kjetil Rydland.  Litt fleire terner i år? I mai set makrellternene sitt preg på fuglelivet i Havn med sin karakteristiske vellyd, og det kan sjå ut som...

Les meir ...
annonse

Geir Skeie med hårete hurtigmat-ambisjon…

24.05.2018 Jonas Sætre

Geir Skeie med hårete hurtigmat-ambisjonar: – Potensialet er mykje større enn 1000 restaurantar I november var planen til Geir Skeie å starte opp 10 restaurantar av hurtigmatkonseptet «Pink Fish» i løpet...

Les meir ...
annonse