Måndag 16. Juli 2018


Det spirer i fjellet

Det spirer allereie på eit av dei tre forsøksfelta til grunneigarlaget i Fitjarfjellet, og til våren håpar dei på to slåttar her.

Som Fitjarposten har skrive om tidlegare har Fitjar grunneigarlag starta eit forprosjekt for å sjå på moglegheitane for dyrking i Fitjarfjellet, anten til fôrproduksjon eller til beite for mjølkekyr. Når forprosjektet er ferdig skal ein ha samla nok informasjon til å kunna ta ei avgjerd om ein ynskjer å setja i gong med dyrking eller ikkje. Dette krev kartlegging av kostnader, optimal frø- og gjødningsbruk og avlingsforventing. Det skal og lagast ei skisse for organisering av eventuell dyrking og bruken av arealet. Harald Rydland, Tore Sigurd Fitjar, Reidar Kloster og Audun Inge Torvund sit i styringsgruppa for forprosjektet og Johannes Sandvik er prosjektleiar. 

Dyrking til fellesbeite og sommarfjøs i fjellet er ikkje unikt, men så langt styringsgruppa kjenner til har dette aldri før vore gjort i ein vindpark. Mange har synt interesse for prosjektet, både journalistar, politikarar og byråkratar.

Då prosjektgruppa synte området til ein journalist frå Nationen denne veka kunne ein allereie sjå at det spirte lysegrønt i beine rekkjer i det eine av dei tre forsøksfelta, nordvest for Olstjørna. Om graset vil rekka å etablera seg så godt at det overvintrar ser ein først til våren. Gjer det det kan ein rekka to slåttar på dette eit-måls store stykket allereie sommaren 2014. Dei to andre stykka, som ligg litt høgare oppe, vil verta sådd i våren 2014. På desse teigane rekk ein berre ein slått neste år og må venta til sommaren 2015 for å få full avling.

Harald Rydland fortel at dei satsar på grassortar som gjev to slåttar og at dei testar ut tre ulike frøblandingar på kvart felt: beitefrøblanding, silofrøblanding og raigras. Så langt ser alt lovande ut og alle sortane spirer, sjølv om beitefrøa som vart sådd litt djupt har brukt lenger tid på å koma opp.

På Blekje, der ein planlegg dyrking, er det langt ned til fast fjell, det er lite stein, det er godt med matjord og jordsmonnet verkar nærast sjølvdrenerande slik at ein ikkje treng grøfter for å verta kvitt vatnet. Dette gjer at dei som står bak prosjektet meiner alt ligg til rettes for enkel og vellukka dyrking. Om dei har rett og det viser seg at det er økonomi i prosjektet og bøndene er interessert kan det om nokre år bli 400 mål med saftig, grønt beitegras i Midtfjellet.

Mykje saftig grønt gras vil nok trekkja til seg både hjort og sauer og det ligg inne i prosjektet at ein må gjerda inn teigane om det skal verta noko avling av det.

- Det som blir spennande no er å sjå korleis grasblandingane vil trivast i fjellet og om dei klarer å overvintra, avsluttar Harald Rydland etter å ha vore på synfaring ved det spirande forsøksfeltet.

 

 

 

 

 

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...
annonse
annonse

Karina fekk MS-behandling i Moskva: – No…

12.07.2018 Jonas Sætre

Karina fekk MS-behandling i Moskva: – No ser eg veldig lyst på framtida og på livet For snart to år sidan fekk Karina Haaland frå Fitjar beskjeden om at ho fekk...

Les meir ...

Hurtigbåt til Tysnesfest

11.07.2018 Kjetil Rydland

Til helga kan du reisa på Tysnesfest, fram og tilbake, med snøggbåt. Foto: Tysnesfest Hurtigbåt til Tysnesfest Førstkomande laurdag går det snøggbåt frå Leirvik, Rubbestadneset og Fitjar til Våge i høve Tysnesfest.

Les meir ...

Fitjar billigast i Hordaland!

11.07.2018 Kjetil Rydland

Ordførar Wenche Tislevoll kan smila når ho ser desse tala frå Huseiernes Landsforbund. Foto: FP-arkiv/HCH. Fitjar billigast i Hordaland! Fitjar kommune er aller billigast i Hordaland på eigedomsskatt og kommunale avgifter til...

Les meir ...
annonse

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...
annonse