Sundag 25. Februar 2018


Produserer elite-mjølk

To mjølke-produsentar på Fitjar fekk utmerking for levering av elitemjølk i høvesvis 15 og 20 år under produsentlaget si årssamling denne veka.

Det var under Tine si årssamling for Bømlo, Stord, Fitjar produsentlag, som i år fann stad på Fitjar sjø og camping, at utmerkingane vart kunngjort. 

Statistikkane til Tine syner at bøndene på vestlandet leverer den beste mjølka her i landet. For å oppmuntre mjølkeprodusentane til å vera ekstra opptekne av godt fjøsstell, god gardsdrift og leveringa av mjølk med særdeles god kvalitet premierer Tine dette med ulike plakettar. Mange mjølkebønder på Fitjar har motteke slike utmerkingar dei siste åra.

Einar Tislevoll som driv med mjølkeproduksjon på Tongane på Fitjar har gjort seg fortent til Sølvtina, som vert rekna som den gjevaste utmerkinga og som ein får for 15 års samanhengande levering av elitemjølk. Samstundes som mjølka må vera av beste kvalitet må ein og kunna syna til godt fjøsstell. Lillan og Håkon Hovstad som mellom anna driv mjølkeproduksjon på Hogste på Fitjar fekk, saman med Jan Harald Nesse frå Bømlo, 20 års plakett for levering av elitemjølk. I reglane for plakettutdeling heiter det for 20- årsplaketten at ein minst må ha oppfylt krava til elitemjølk 20 gongar (år) i løpet av ein samanhengande periode på 22 år. Det er og verd å merkja seg at Lillian og Håkon har motteke sølvtina tidlegare.

Det var Norvald Dalsbø frå Tine-styret saman med Lars Rydland, som er leiar i det lokale produsentlaget, som stod for kunngjeringa og overrekking av blomar. Sjølve utmerkingane vil produsentane motta seinare i vår. Plaketten vert delt ut under Reigionsmøtet for Tine Vest og sølvtina vert delt ut under ei markering i samband med årsmøtet for Tine. 

Under den lokale årssamlinga var det og val av nytt styre (arbeidsutval) i produsentlaget. Lars Rydland frå Fitjar gjekk av som leiar i laget og gav stafettpinnen vidare til  Øystein Huglen som får med seg Oddvar Oldereide og Randi Dalen i styret.

 

 

 

 

Vintereventyr i fjellet!

23.02.2018 Kjetil Rydland

Utsikt frå Mølle 1 nedover Blekjet. Foto: Kjetil Rydland.  Vintereventyr i fjellet! Det har vore reine eventyret i Fitjarfjellet dei siste dagane, og med dei siste vêrmeldingane kan me gå ei strålande...

Les meir ...

Gratulerer med dagen og lapppen!

23.02.2018 Kjetil Rydland

Marte Rimmereid, 18 år og nybakt sjåfør.  Gratulerer med dagen og lapppen!   Gratulerer så mykje med 18-årsdagen og lappen, Marte Rimmereid!

Les meir ...

Politirazzia mot familie i kyrkjeasyl på…

23.02.2018 Jonas Sætre

Politirazzia mot familie i kyrkjeasyl på Fitjar I dag tidleg vart den afghanske familien som har sete i kyrkjeasyl på Fitjar henta av politiet. Ordføraren i Fitjar reagerer med vantru.

Les meir ...
annonse

Rype i Fitjarfjellet!

22.02.2018 Kjetil Rydland

Tydelege spor etter lirype i hallinga aust for Mosavatnet og sør for Grønafjellet i går. Foto: Arne Devik.  Rype i Fitjarfjellet! Friluftsmannen Arne Devik fortel at han såg ein heil flokk ryper...

Les meir ...

Liv Kari Eskeland likte det ho såg på Fi…

22.02.2018 Kjetil Rydland

Dagleg leiar i Engesund Fiskeoppdrett t.v. viser fisk i merdane i Masfjorden til Liv Kari Eskeland og ordførar Wenche Tislevoll. Foto: Kjetil Rydland.  Liv Kari Eskeland likte det ho såg på...

Les meir ...

Ville ikkje innføra gebyr på faktura

21.02.2018 Harald Johan Sandvik

Ville ikkje innføra gebyr på faktura Trass i inntillinga frå rådmannen om å innføra gebyr på faktura sa politikarane nei. – Fleire vil framleis ha papirfaktura, sa Agnar Aarskog (Ap).

Les meir ...
annonse

Fitjarskyttarar på feltsamling

24.02.2018 Kjetil Rydland

Fitjarskyttarane på standplass i dag. Foto: Privat.  Fitjarskyttarar på feltsamling Samlaget arrangerte i helga feltsamling på Kalland, skytebanen til Haugesund og Sveio, med fleire ivrige skyttarar frå Fitjar.

Les meir ...