Måndag 16. Juli 2018


Friske geiter på Rydland

I dag har 38 små kje flytta inn i gamlefloren til Lars J. Rydland.

Fredag var Håkon Rydland Sæbø i Kvinnherad og henta heim 38 små, søte geitekillingar. Og han har brukt kvelden til å installera dei i gamlefloren til svigerfar, Lars J. Rydland. Hovudutfordringa i kveld har vore å læra dei små å drikka kumjølk. Kjea er berre ei veke gamle, og så langt har dei levd på morsmjølk heime i Kvinnherad. Men frå no av må dei klara seg med kumjølk frå Rydland Storfe, resten av livet. I gamlefloren skal dei bu i 8 veker, til dei blir leverte til slakt hos Nortura. Då vil dei vera rundt 10 kilo tunge, levande vekt, og slaktevekta blir rundt 5 kilo. Dei skal fôrast med vanleg kumjølk, ein liter per dag per dyr. Lars J. Rydland fortel at dette vil vera med på å hjelpa til at Rydland Storfe unngår overproduksjon i forhold til mjølkekvoten sin. Totalt vil geitene eta knapt to tonn mjølk, dei to månadene dei får leva, og dermed reknar bøndene med å treffa ganske godt på kvoten på 524 tonn, etter at dei har slakta nokre kyr.

Lars J. Rydland fortel at dei nyinnflytta geitene kjem frå ein besetning som er sanert for sjukdom. Dette skjer ved "snapping", dvs. at under kjeing snappar ein kjea med ein gong dei kjem ut av mors liv. Før dei kjem i kontakt med mora, morsmjølk eller golvet. Dette er ein krevjande jobb, men nødvendig av og til. For geiter er utsette for sjukdom, og på denne måten unngår dei at geitene overfører sjukdommane sine til avkommet.

Geitene på Rydland får altså ikkje noko langt liv, om to månader er dei slakta. Men fem-seks av dei har lysare utsikter. Håkon Rydland Sæbø fortel at han planlegg å setja på fem geiter og ein bukk. Han har kontoll på stamtavlene til kjea sine, og kan bruka den eine bukken som han plukkar ut, til å bedekka dei fem geitene, utan å risikera innavl. Dermed vil det igjen vera grabukk å treffa på Rydland til hausten.

Vil du ikkje drikka, så skal du! Det er ikkje første gongen Lars J. Rydland lærer små dyr å drikka. Foto: Kjetil Rydland.
Vil du ikkje drikka, så skal du! Det er ikkje første gongen Lars J. Rydland lærer små dyr å drikka. Foto: Kjetil Rydland.
 

 

Kjea er knapt ei veke gamle og svært yndige. Kven som skal bli grabukk, er ikkje avgjort enno. Foto: Kjetil Rydland.
Kjea er knapt ei veke gamle og svært yndige. Kven som skal bli grabukk, er ikkje avgjort enno. Foto: Kjetil Rydland.
 

 

Håkon Rydland Sæbø har laga til drikkepatent. Dottera Elisabet har god tru på at det vil fungera. Foto: Kjetil Rydland.
Håkon Rydland Sæbø har laga til drikkepatent. Dottera Elisabet har god tru på at det vil fungera. Foto: Kjetil Rydland.

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...
annonse
annonse

Karina fekk MS-behandling i Moskva: – No…

12.07.2018 Jonas Sætre

Karina fekk MS-behandling i Moskva: – No ser eg veldig lyst på framtida og på livet For snart to år sidan fekk Karina Haaland frå Fitjar beskjeden om at ho fekk...

Les meir ...

Hurtigbåt til Tysnesfest

11.07.2018 Kjetil Rydland

Til helga kan du reisa på Tysnesfest, fram og tilbake, med snøggbåt. Foto: Tysnesfest Hurtigbåt til Tysnesfest Førstkomande laurdag går det snøggbåt frå Leirvik, Rubbestadneset og Fitjar til Våge i høve Tysnesfest.

Les meir ...

Fitjar billigast i Hordaland!

11.07.2018 Kjetil Rydland

Ordførar Wenche Tislevoll kan smila når ho ser desse tala frå Huseiernes Landsforbund. Foto: FP-arkiv/HCH. Fitjar billigast i Hordaland! Fitjar kommune er aller billigast i Hordaland på eigedomsskatt og kommunale avgifter til...

Les meir ...
annonse

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...
annonse