Onsdag 21. Februar 2018


Møkasilo!

Laurdag middag sprakk møkasiloen på Rydland, og møka rann ut over bakkane.

I 26 år har tresiloen til Lars J. Rydland gjort teneste som lager for kumøk. Men laurdag middag klarte han ikkje å halda på avføringa lenger. Han braut heilt saman nedantil, og rundt 300 kubikkmeter kuskit rann nedøver bøen.

Lars J. Rydland fortel at dei straks varsla Stord Fitjar landbruks- og miljøkontor. Men det er nok ikkje den heilt  store katastrofen. Terrenget er flatt, og avløpet frå myra går i lukka røyr mange meter under bakken. Derfor er forureiningsfaren svært liten. Møka kjem til å trekkja ned i bakken, dersom ein ikkje blir svært uheldig med verforholda.

Lars J. Rydland fortel at dei må gå i gangs straks med å planleggja ny lagerplass for møka. Kuskit er den sikraste produksjonen dei har, og mottinga under floren er langt frå stor nok til all kuskiten. I dag har dei lagra kumøk i fleire betongsiloar rundt om, i påvente av at det skal bli råd å spreia den utover bøen. Lagringsplass er eigentleg ei utfordring, og no må dei gå i gang jo før jo heller med å tenkja. For det skal planleggjast, godkjennast og finansierast.

Når det gjeld den overfløymde bøen, er det nok ikkje så farleg; til våren var det meininga å pløya om Storemyr likevel. Men då med rundt 50 kubikkmeter kumøk, og ikkje 300 ...

Rikeleg med møk på Storemyr i år. Foto: Kjetil Rydland.
Rikeleg med møk på Storemyr i år. Foto: Kjetil Rydland.
Møka ligg godt der ho ligg nett no, og må over eit aldri så lite res for å nå dit ho ikkje bør nå. Foto: Kjetil Rydland.
Møka ligg godt der ho ligg nett no, og må over eit aldri så lite res for å nå dit ho ikkje bør nå. Foto: Kjetil Rydland.

Ta opp hundeskiten!

19.02.2018 Kjetil Rydland

Ta opp hundeskiten! Frå ein hundeeigar som tenkjer på andre har me fått ein klage på respektlause hundeeigarar i Rossneset.

Les meir ...

Turid Bakke Braut og Sigrun Jørdre til t…

18.02.2018 Kjetil Rydland

Turid Bakke Braut vitjar Fitjar kyrkje denne veka.  Turid Bakke Braut og Sigrun Jørdre til temakveld i Fitjar kyrkje Både mor og dotter har hatt mykje av oppveksten på Stord. Mange vil...

Les meir ...

God handballdag

18.02.2018 Kjetil Rydland

 Frå gårsdagens jentekamp mot Bjarg 3. Foto: Privat.  God handballdag Det var ikkje berre dei vaksne damene som spela handball i går, Fitjar hadde fleire lag i aksjon i aldersfastsette klassar, både...

Les meir ...
annonse

Kåra den vakraste boka i verda

17.02.2018 Kjetil Rydland

Aud Gloppen, kjend bokdesignar frå Fitjar. Foto: FP-arkiv/KR.  Kåra den vakraste boka i verda Aud Gloppen frå Fitjar har vore med og kåra den vakraste boka i verda.  

Les meir ...

Årets lokalpolitikar!

17.02.2018 Kjetil Rydland

Harald Rydland, engasjert KrF-politikar. Foto: FP-arkiv / Harald Johan Sandvik.  Årets lokalpolitikar! På fylkesårsmøtet på Sotra i helga blei Harald Rydland utnemnd til årets lokalpolitikar i Hordaland Kristeleg Folkeparti.

Les meir ...

Handballdamene vann klart over botnlaget

17.02.2018 Kjetil Rydland

Ingvild Rimmereid med seks mål mot Lyngbø. (Arkivfoto)  Handballdamene vann klart over botnlaget Fitjar IL sitt damelag vann ein klar siger 26-19 over Lyngbø, og har dermed fått ei ørlita luke ned...

Les meir ...
annonse

4H skal vera synlege!

19.02.2018 Kjetil Rydland

Jens Håkon Birkeland, nyvald leiar i 4H Hordaland. Foto: privat. 4H skal vera synlege! Sist helg var det årsmøte i 4H Hordaland. Over 150 ungdommar i salen og kø på talarstolen lovar...

Les meir ...