Tirsdag 22. Mai 2018


Gudsteneste med dåp på kaien

Over 250 stykke feira gudsteneste og dåp i teltet på Larsenkaien søndag føremiddag.

Det var stu fullt i "revy-teltet" på kaien då klokka ringde inn til gudsteneste i samband med Fitjarfestivalen søndag føremiddag. Dei som ikkje fekk plass innanfor teltduken rigga seg til på utsida, og med godt lydanlegg fekk alle med seg både det som vart tala og sunge. At teltet framleis var på plass etter stormnatta var for mange eit under. Eit under teke hand om av ein dugnadsgjeng som først rigga teltet ned laurdag ettermiddag og så rigga det opp att tidleg søndag morgon.
-Takk at de ordna kyrkje til oss på kaien, helsa sokneprest Olav Johannes Oma dei "usynlege" arbeidarane, og så vart det feira gudsteneste i sjøkanten i det midlertidige kyrkjehuset, med blafrande talgaljos og teltveggar.

Det smilande dåpsbarnet, og heile hans festpynta fylgje, skapte ei ekstra feststemning over gudstenestefeiringa. Det same gjorde den fantastiske songen og musikken frå Fitjar ad hoc. Det var ei fryd å lytta til dei og det var ei stor glede å vera med i allsongen under deira leiing. At mange var samde i det kunne ein høyra på gleda og styrken i allsongen og alle komplimentane musikarane og songarane fekk etterpå.

Denne 9. søndagen i treeiningstida var det Jesu ord om å koma til han med dei tunge børene som var tema. Olav J. Oma la i preika si vekt på at dei Jesus ber koma til seg er dei som slit, noko han rekna med alle gjer. Han peika på at Jesus vil ha deg slik du er, og at Jesus bar sjølv den tyngste børa, for oss.

Etter ein knapp time i teltet vart kyrkjelyden sendt ut og heim med orda frå  Eirik Byes Hildringstimen, nydeleg framført av Martin Hatlevik. Så sprang ungane i full fart rett til fiskekaret, dei vaksne rusla roleg ut og slo av ein prat her og der, og blomar og hav vart signa med restane av dåpsvatnet.

Ingressbilete: Dåpsbarnet Lars Eivind Instefjord Gilje, omkransa av prest, klokkar, foreldre og fadrar, vert presentert for kyrkjelyden. Foto: Helga Rimmereid

 

Litt fleire terner i år?

20.05.2018 Kjetil Rydland

Terna går inn for landing. Foto: Kjetil Rydland.  Litt fleire terner i år? I mai set makrellternene sitt preg på fuglelivet i Havn med sin karakteristiske vellyd, og det kan sjå ut som...

Les meir ...

På handballfestival i strålande pinstivê…

19.05.2018 Kjetil Rydland

Kjekt på Handballfestivalen; f.v. Elisabet, Elise, Runar Øvrebø (gymlærar for jentene), Tomine og Andrine.  På handballfestival i strålande pinstivêr Hanballfestivalen på Stord er i full gang i ideelt festivalvêr, og Fitjar er...

Les meir ...

Harald Rydland sin tale på 17. mai

18.05.2018 Kjetil Rydland

Harald Rydland held tale i Kultursalen 17. mai. Foto: Kjetil Rydland. Harald Rydland sin tale på 17. mai 2018 Talen som Harald Rydland heldt på 17. mai, var vel verdt å høyra...

Les meir ...
annonse

Pinseaftan: Butikkane stengjer klokka 16…

18.05.2018 Kjetil Rydland

Pinseaftan: Butikkane stengjer klokka 16! I morgon er det pinseaftan, og då stengjer daglegvarebutikkane klokka 16.00.

Les meir ...

Ho vil erstatte Terje Træet i sommarrevy…

18.05.2018 Jonas Sætre

Ho vil erstatte Terje Træet i sommarrevyen Anne Marith Sandhåland erstattar Terje Træet i årets sommarrevy. Terje Træet melder avbod til årets sommarrevy i Fitjar grunna helsemessige årsaker.

Les meir ...

Friluftsgudsteneste 2. pinsedag

18.05.2018 Kjetil Rydland

Frå friluftsgudstenesta 2. pinsedag i fjor. Foto: Torbjørn Hovland. Friluftsgudsteneste 2. pinsedag Det blir frluftsgudsteneste 2. pinsedag i år òg, får me opplyst i ei pressemelding frå Fitjar kyrkje.

Les meir ...
annonse

Glimt frå Handballfestivalen

20.05.2018 Kjetil Rydland

Tolvårslaget ståande bak med trenar Karen Elisabet R. Sæbø t.h. Framme ligg tre jenter frå elleveårslaget. Foto: Kjetil Rydland.  Glimt frå Handballfestivalen Fitjar har hatt seks lag i aktivitet under Handballfestivalen, og...

Les meir ...
annonse