Måndag 16. Juli 2018


Variert, flott og rørande sommarkonsert

Med eit spennande program som gjekk frå rock, via folketonar, blues og revedans, til moderne brasstonar, rørde kulturskuleelevane publikum til tårer under årets sommarkonsert.

Dei første tonane kom frå dei unge aspirantane i Fitjar skulekorps. Dei hadde fått hjelp av nokre eldre vener og slo an tonen med svingande rockerytmar.

Ei flott strykargruppe, saman med Thea Træet og Sofie Rimmereid på piano, skapte vidare sommarstemning med songar om blomar og dyr,

Flott song fekk me frå duoane Nora Marie Hellesund og Elin Heggøy, Thea Træet og Mari Hatlevik, Silje Rydland og Marie M. Oma, og Edtih Helland saman med songlærar Ole Andre Westerheim. Flotte duettar med stemmer som kledde kvarandre. Alle song reint og klårt, og det var ei stor glede å lytta til dei.

Bluesen og dei mest rocka tonane koma frå band-gruppene. Både Torstein Træet og Arild F. Waage, saman med bandlærar Jonas S. Olsen, og Johannes Myhre, Andreas Vik, Nils Birger Vestbøstad og Luka Vucenovic synte svært sterke musikalske prestasjonar og skapte god konsertstemning. Førstnemnde imponerte ekstra ved å framføra den eigenkomponerte låta Sjølvlaga låt. Dei eldste gutane hadde på den eine låta si med seg Arina Maravskaja som eit nytt, friskt pust på song.

Piano er det mest populære instrumentet i kulturskulen, om ein skal måla etter tal på dei som står på venteliste. Som representantar for pianoelevane dette året fekk me høyra firhendig spel av Nora Marie Hellesund og Maria Prestbø, og Tori Vestbøstad saman med Andreas Vestbøstad. Å spela firhendig er ekstra krevjande, men med presist og stødig spel klarde dei unge pianistane dette med glans. 

Den yngste dansegruppa sjarmerte publikum med ein flott ekorndans, og tverrfløytegruppa med artig koreografi fekk publikum både til å le og klappa takten, i tillegg til å nyta musikken. 

Konserten vart avslutta med at Fitjar skulekorps, for høvet i nye korps-skjorter, framførde NM-stykket sitt The dark side of the moon, som dei reiser til Trondheim med i slutten av månaden. Det verka som dei hadde full kontroll, og dei hadde svært god trøkk, slik dette nummeret krevde, utan at det gjekk nemneverdig ut over klangen i korpset. 

Kor tid tårene kom snikande varierte frå person til person i publikum, Mine kom sterkast under avgangseleven Guro Rimmereid si svært flotte framføring av pianostykket Claire de Lune av C. Debussy. Men det var ei subjektiv oppleving og andre hadde andre favorittar som rørde deira hjarta djupast..

Kulturskulerektor Anne Lene Ø. Jordåen avslutta konserten med å takka dei dyktige kulturskulelærarane for jobben dei har gjort i året som har gått og minna om at med dette tar kulturskulen no sommarferie (bortsett frå visuelle kunstfag og skulekorpset). For dei som ikkje har plass i kulturskulen og som kunne tenkt seg det er det framleis ledige plassar på aspirantopplæring og dans (på dei eldste gruppene) og visuelle kunstfag. Er dette av interesse bør ein ta kontakt med kulturskulen snarast. 

Kopi av 20140616 sommarkonsert foto Helga Rimmereid12
Fitjar skulekorps framførde NM-nummeret sitt: The dark side of the moon. Foto: Helga Rimmereid

 

 

 

 

 

 

 

 

 

 

 

 

 

 

 

 

 

 

 

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...
annonse
annonse

Karina fekk MS-behandling i Moskva: – No…

12.07.2018 Jonas Sætre

Karina fekk MS-behandling i Moskva: – No ser eg veldig lyst på framtida og på livet For snart to år sidan fekk Karina Haaland frå Fitjar beskjeden om at ho fekk...

Les meir ...

Hurtigbåt til Tysnesfest

11.07.2018 Kjetil Rydland

Til helga kan du reisa på Tysnesfest, fram og tilbake, med snøggbåt. Foto: Tysnesfest Hurtigbåt til Tysnesfest Førstkomande laurdag går det snøggbåt frå Leirvik, Rubbestadneset og Fitjar til Våge i høve Tysnesfest.

Les meir ...

Fitjar billigast i Hordaland!

11.07.2018 Kjetil Rydland

Ordførar Wenche Tislevoll kan smila når ho ser desse tala frå Huseiernes Landsforbund. Foto: FP-arkiv/HCH. Fitjar billigast i Hordaland! Fitjar kommune er aller billigast i Hordaland på eigedomsskatt og kommunale avgifter til...

Les meir ...
annonse

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...
annonse