Fredag 20. Juli 2018


Kretsmeistrane

Fitjar sitt Jenter 13-lag vart laurdag ettermiddag kretsmeistrar i sjuarfotball, etter å ha vunne over Olsvik på corner.

Det var ein spennande og god kamp dei frammøtte i Vestlandshallen i Åsane fekk sjå då det beste sjuar-laget i Hordaland skulle kårast. Fitjarlaget var i storform. Dei spelte jamt over svært bra, både i forsvar og angrep, lagspelet fungerte svært godt og keeper Tina V. Nordfonn vakta nettet godt. Jenter 13 på Fitjar har berre seks spelarar og har heile sesongen måtta låna både keeper og utespelarar frå laget under dei. For å vera fulltalige og å kunna ha to innbytarar hadde dei lånt med seg tre jenter12-spelarar til Vestlandhallen. Alle er vane med å spela med dei eldre jentene og klarde seg svært fint saman med dei. 

Fitjar starta med fullt fokus på angrep. Motsandarane var sterke men allereie etter ni minutt scora Ailin Vik for Fitjar. Fitjar hadde vidare mange sjansar men med ein svært dyktig keeper i Olsvik-målet og ein del "stong-ut" var det stille på målfronten ei god stund. Det var ein travel kamp, og i det spelarane tok til å verta slitne mot slutten av omgangen, klarde Olsvik å snu kampen og utlikna til 1-1 i det 26. minutt. Olsvik fekk med det blod på tann, henta fram nye krefter og var sterkast resten av første omgang utan at det resulterte i fleire mål.

Andre omgang vart mållaus, men det var ingen tvil om at Fitjar hadde overtaket og dei låg i angrep stort sett heile tida. Dei fekk breidde på spelet og samarbeida godt, dei såg kvarandre, dei las spelet, dei var frampå og dei var flinke til å plukka opp ballen, men mangla avsluttinga med å få ballen forbi keeperen og inn mellom stengene. Litt uflaks og mykje grunna ei svært dyktig målvakt. 

Utan scoringar i andre omgang enda kampen 1-1. I slike tilfelle tel ein opp tal på cornerar, og her hadde Fitjar klart overtak med 6 cornerar mot Olsvik sine 2. Så då andre omgang vart blåst av etter 35 minutt, kunne jubelen bryta laus i Fitjarleiren, både hos fotballjentene, trenaren, oppmannen og heiagjengen på tribunen.  

Ni stolte og fornøgde jenter kunne ta imot velfortente gullmedaljar og sigerspokal og nyta at "We are the champions" fylte hallen, til ære for dei.

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...
annonse
annonse

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...
annonse

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...
annonse