Torsdag 18. Januar 2018


Ei stolt bygd takka Mariann

Fitjarbuen hadde møtt opp mannsterke for å gjera stas på Mariann Vestbøstad Marthinsen og takka ho for alle dei stolte augneblinkane ho har gitt bygda, no sist med gullmedalje i paralympiske leikar i Sotsji.

Med musikkinnslag, talar, kaker og prisar blei Mariann Vestbøstad Marthinsen torsdag feira, både som idrettsutøvar og førebilete. Også utanbygds har folk lagt merke til Mariann sine prestasjonar. Erna Solberg var ei av fleire som helsa Mariann denne store kvelden. Og Mariann sjølv var overvelda av at heile arrangementet var stabla på beina for henne, og lurte på om det var heilt fortent. Og det var det. Ole Bergesen og Håkon C. Hartvedt losa publikum innom avgjerande hendingar frå Mariann sitt liv og vegen fram mot den paralympiaren ho har blitt, heilt frå då ho som liten blei kvesta i ei bilulukke og til innspurten i sprintfinalen i Sotsji i mars, både for å illustrera den lange vegen det har vore, samt understreka at Mariann i høgste grad fortener eit slikt arrangement.

Med sterk vilje og energi har ho klart å utmerka seg innfor symjing og sitjeski, og på vegen sett 17 verdsrekordar i bassenget, vunne æresprisar frå idretten og regjeringa, og no sist altså gull i Paralympics. Men det har ikkje komme gratis. Ho fortalte at ho sidan 2003 har trent knallhardt for å byggja opp kroppen til å tåla hardtkjøret, gjort knallharde prioriteringar, for å komma seg dit ho er i dag. Ho omtalar det som eit stort eventyr, med både oppturar og nedturar, men:

- Nedturane gjer oppturane større, og eg er takksam for at eg får halda på med dette, fortalde Mariann.

Under intervjusekvensen med konfransierane kom spørsmålet opp om ho kjem til å satsa vidare eller om ho legg opp.

- Eg har tenkt dei siste vekene no, og tenkt at eg er for rastlaus til å leggja opp, erklærte Mariann.

Då spørs det kor lengje det blir til neste samling i FItjar kultur- og idrettsbygg for å heidra Mariann sine idrettsprestasjonar, sommar som vinter.

Kje til Fitjar for å gjera seg feite

15.01.2018 Kjetil Rydland

Kje er initiativrike dyr, som straks gjekk i gang med å gjera seg kjende i den nye heimen sin. Foto: Kjetil Rydland. Kje til Fitjar for å gjera seg feite  For nokre dagar sidan...

Les meir ...

Har ikkje klart å flytte ut frå Smedholm…

15.01.2018 Jonas Sætre

Har ikkje klart å flytte ut frå Smedholmen innan fristen Sjølv om leigeforholdet med Fitjar kommune gjekk ut ved nyttår har dei frivillige endå ikkje rydda ut av den kulturhistoriske eigedomen.

Les meir ...

Fitjar kino klar for premiere!

14.01.2018 Kjetil Rydland

Den nye maskinen er på det nærmaste klar til å visa film i Fitjar kultur- og idrettsbygg. Foto: Kjetil Rydland.  Fitjar kino klar for premiere! Ole Bergesen ved Fitjar kultur- og idrettsbygg fortel...

Les meir ...
annonse
annonse

Badesesongen i full gang

14.01.2018 Kjetil Rydland

Ikkje akkurat Syden, men Leander Træet slappar av i bassenget. Foto: Kjetil Rydland.  Badesesongen i full gang Bassenget på Rimbareid skule er ope for ålmenta kvar måndag, bortsett frå i skuleferiane. 

Les meir ...

Zumbafeberen herjar igjen!

14.01.2018 Kjetil Rydland

Spreke damer på zumbamaraton i Fitjar kultur- og idrettsbygg. Foto: Trude Strand. Zumbafeberen herjar igjen! I dag har over 30 spreke damer gjennomført ein tre timars zumbamaraton, den første i på Fitjar...

Les meir ...

Vipe på Fitjar i dag!

13.01.2018 Kjetil Rydland

Vipa er ein flott fugl. Foto: FP-arkiv/KR.  Vipe på Fitjar i dag! I dag fekk Fitjarposten årets første melding om at det er observert vipe på Fitjar.

Les meir ...
annonse

Bankbygget mot ei ny blomstringstid

17.01.2018 Kjetil Rydland

Bygget som Sparebanken Vest flytta ut frå i 2016 ligg fint til midt i Fitjar sentrum. Foto: FP-arkiv/HCH.  Bankbygget mot ei ny blomstringstid Bankbygget i sentrum, som Sparebanken Vest flytta frå i...

Les meir ...