Laurdag 25. November 2017


Glimrande lokalhistorie

I samband med at han fyller 80 år førstkomande laurdag er Karl Gloppen på marknaden med ny bok. Eit glimrande stykke lokalhistorie.

Boka har fått tittelen «Mellom bakkar og berg i Fitjar» med undertittel «Barndom og ungdomsminne».

Gloppen fortel i forordet av boka at han alltid har likt å lesa bøker og at han gjennom romanar og forteljingar vart inspirert til å skrive sjølv. Men i sine yrkesaktive år fekk han aldri tid til slikt. Jobben som lærar og undervisningsinspektør krov sitt, og fritida var mest fullteikna av sterkt engasjement innan korps, kor, songlag og andre kulturaktivitetar. 

Men då han vart pensjonist for 13 år sidan kom skrivelysten tilbake. Mellom anna har han vore ein flittig bidragsytar til «Sunnhordland årbok» og på «Karl si side» til Stord/Fitjar Miljøkontor. For nokre år sidan gav han óg ut ei bok med Haiku-dikt.

-I denne boka har eg gått tilbake til barne-og ungdomsåra...Dei er enkeltståande hendingar eller minnebilete eg har kalla fram: Ikkje særleg dramatiske, men av og til morosame - og sjølvironiske. Eg held meg på Fitjar - og til slutt litt på Stord, skriv han i innleiinga. 

Karl Gloppen gjekk jo fire år på Stord Lærarskule, og har med nokre minneglimt derifrå. Elles har boka mange artige kapittel der han fortel om nære hendingar frå garden og naturen, sommar som vinter. Herleg ekte - og levande skrive, spør du oss.

Ein viktig del av boka, og sjølv meiner Karl at den kanskje er den viktigaste, er dei to krigsdagbøkene han og broren Bjarne lagde frå 1943-1945. Korte dagboksnotat i stikkordsform, som har verdi i seg sjølv, men som vert endå rikare ved at Gloppen kommenterer dei no i ettertid. Veldig bra - og ypparleg fitjarhistorie. Boka er òg illustrert med vakre og illustrative teikningar, maleri og foto som forfattaren har stått for sjølv.

Til fitjarposten.no fortel Karl Gloppen at han starta på dette prosjektet like etter at han vart pensjonert, og så har det vakse seg fram til ei bok etter kvart. Ei bok på 274 sider.

-Men utan at døtrene mine hadde kome på banen, hadde det nok ikkje blitt nokon bok, meiner Gloppen, og fortel at Aud har teke seg av designen mens Signe har teke korrekturen og kome med gode idear undervegs.

Lanserte Fitjarminne etter foredrag om R…

23.11.2017 Kjetil Rydland

Ein kry Magnar Kloster presenterer Fitjarminne 2017. Foto: Kjetil Rydland.   Lanserte Fitjarminne etter foredrag om Rolvsnesbåten Torsdag kveld kom Sindre Nilsen frå Urangsvåg for å halda foredrag om Rolvsnesbåten, før eldsjelene i Fitjar...

Les meir ...

Fitjarbutikkar med superprisar

23.11.2017 Håkon C

Fitjarbutikkar med superprisar Illustrasjon: Stockphoto Førstkomande fredag er Black Friday. Dagen då prisane på mange varer og i mange butikkar vert skrive kraftig ned. Slike supertilbod kjem og butikkar på Fitjar  med...

Les meir ...

Ønskjer seg ein plass for å skru bil

23.11.2017 Håkon C

Martin Budal vonar å finna ein plass på Fitjar der han skru på bilen sin. Foto: Håkon C. Hartvedt Ønskjer seg ein plass for å skru bil Martin Budal frå Bergen begynte...

Les meir ...
annonse

Ny reguleringsplan for Årskog Industriom…

23.11.2017 Harald Johan Sandvik

Mot nord. Foto: Harald Johan Sandvik. Ny reguleringsplan for Årskog Industriområde Planen som vert avløyst er frå 1982.

Les meir ...

Borgarleg vigsel i kommunestyresalen

23.11.2017 Harald Johan Sandvik

Borgarlege vigsler skal gjennomførast her i kommunestyresalen. Ordførar, varaordførar og rådmann har vigslingsmynde. Foto: Harald Johan Sandvik. Borgarleg vigsel i kommunestyresalen Lovendringa gjeld frå første januar.

Les meir ...

Ny rådmann i Fitjar!

23.11.2017 Harald Johan Sandvik

Olaug Haugen, den nye rådmannen i Fitjar. Foto: Vidar Karlsen, Tingvoll kommune. Ny rådmann i Fitjar! Olaug Haugen er formelt tilsett.

Les meir ...
annonse


Sterk livshistorie frå Fitjar i Sunnhord…

23.11.2017 Kjetil Rydland

Karin Korsvik med ei sterk livshistorie i Sunnhordland årbok 2017, som har fått tittelen "Lengten etter mor. Lengten etter far". Foto: Kjetil Rydland. Sterk livshistorie frå Fitjar i Sunnhordland årbok I år...

Les meir ...
Boklansering: Firmaet som sette Koløyo på kartet - www.fitjarposten.no