Berre nesten for handballjentene

Fitjar-jentene i 15-årsklasssen kjempa jamt med motstandarane sine i søndagens seriekamp, men måtte til slutt bita i seg eit firemålstap mot Fyllingen 2.

Jeanett H. Rasmussen måtte nøya seg med eitt mål mot Fyllingen 2. Foto: Kjetil Rydland.

Hard kamp om ballen mot Fyllingen. Foto: Kjetil Rydland.

---

Heimelaget såg lenge ut til å kunna vinna dagens heimekamp mot Fyllingen 2. Fem minutt før pause leia Fitjar-jentene faktisk 10-6, og fleire med oss såg for oss ein lenge etterlengta siger. Men motstandarane skjerpa seg kraftig på slutten av første omgang, snudde kampen, og kunne gå til pause med leiing 11-10.

Andre omgang blei nokså jamn, heilt til det nærma seg slutten. Laga følgde kvarandre til 17-17, før bortelaget tok over. Dei avslutta andre omgamg på same måten som den første, og kunne innkassera ein så klar siger som 21-17.

Trenar Jan Åge Tislevoll sa seg rimeleg fornøgd med dagens kamp, sjølv om den enda med tap. Her var framgang å spora, meinte trenaren, og det var ikkje vanskeleg å vera einig med han i det.

Fitjar sitt lag (mål i parentes):
Solveig L. Fitjar (keeper)
Malene Lussand (1)
Solveig Liarbø
Amalie Korsvik (11)
Janne VÃ¥gen (2)
Jeanett H. Rasmussen (1)
Jannike Korsvik (1)
Hanne Tveita
Marthe V. Nordfonn
Helene Rimmereid (1)
Tiril B. Stegane