Første hausttapet for A-laget

For første gong i haust måtte A-laget gå poenglause av banen, då dei tapte den jamne heimekampen mot Rosendal med 0-1 laurdag ettermiddag.

Kjell André Thorland speøte ein ny god kamp på midtbanen til Fitjar. Foto: Kjetil Rydland.

---

Fitjar - Rosendal 0-1 (0-1)
Seriekamp 5. divisjon
Fitjar Idrettspark
Laurdag 27. august kl. 14.15

Fitjar sitt lag:
Oddgeir Træet, Lars T. Engelsen, Jan Åge Tislevoll (Bernt-Ove Maraas 7 min.), Nils Ingard Tislevoll, Andreas Torland, Leif André Tangen (Leif Tore Aarland 56 min.), Sondre Fykse Lie (Brynjar T. Engelsen 35 min.), Kjell André Thorland, Kjell Træet, Øyvind Fykse Lie, Mats Brakedal (Geir Steffen Tranøy 30 min.).  

Rosendal sitt lag:
Andreas Huse, Jan Evald Såtendal, Anders Nilsen, Johannes Hjelmeland, Olav Måkestad (Kjetil Helvik 75 min.), Kjetil Rangsæter (Svein Are Furdal 60 min.), Håvard Sætrevik (Vegard Iversen 19 min.), Yngve Enes, Vegard Ludviksen (Sindre Omvik 45 min.), Lars Johan Myklebust (Sondre Eskeland 15 min.), Frode Havnerås (Magnus Haga 8 min.).

MÃ¥l:
0-1 Lars Johan Myklebust (34. min.)

Gult kort:
Johannes Hjelmeland, Rosendal
Øyvind Fykse Lie, Fitjar

Dommar:
Ole Christian Sørli, IL Solid

Etter to sigrar og ein uavgjort kamp så langt i haust, blei det ein liten nedtur laurdag, då Fitjar måtte sjå Rosendal stikka av med alle tre poenga. Marginane var ikkje på Fitjar si side; kampen var jamn og kunne like gjerne ha vippa Fitjar sin veg. Fitjar har hatt for vane i haust å ha bra kontroll på midtbanen; det hadde dei også i dag. Men Rosendølane hadde mykje rutine i laget, og eit godt kjempande forsvar hindra Fitjar-scoring.

Dermed blei scoringa til spelande trenar hos Rosendal, Lars Johan Myklebust, på slutten av første omgang avgjerande. Rosendølane reid av den eine stormen etter den andre. Og hadde sjølv fleire sjansar til å gå opp til 2-0. Men kampen ebba ut med 0-1, etter hektiske sluttminuttar. Fitjar-trenar Stein Gunnar Halleråker konstaterte at det unge Fitjar-laget spelte ein ny bra kamp, men at dei saknar sårt ein skikkeleg målscorar.