Måndag 23. Juli 2018



Oliver A. Matre og Ailin Vik jublar over topp innsats i Bergen. Foto: Kjetil Rydland. 

Bilcross i Bergen: Første- og andreplass til Fitjar

Oliver André Matre vann den fjerde runden i bilcross-VM i Bergen i helga, medan Ailin Vik blei nummer to i juniorklassen. Dermed vil begge ha vinnarsjansar samanlagt heilt til alt blir avgjort i september.

 

Fitjar Racing Team markerte seg igjen heilt i toppen i bilcross då fjerde runde i vestlandsmeisterskapet blei avvikla på Eikås Motorsenter i Åsane denne helga. Blant førarane våre som stilte til start var det som vanleg Oliver A. Matre i senior og Ailin Vik i junior som gjorde det best. Etter fire rundar kan me slå fast at dei vil bli med i kampen om VM-tittelen heilt til siste motorbrøl har stilna i Vikedal i september.

 


Oliver A. Matre jublar for siger i Bergen. Foto: Privat. 

I juniorklassen blei Ailin nummer to under søndagens A-finale, etter å ha vunne fem av seks innleiingsheat. Ho blei berre slegen av Jakob Hansen frå NMK Bergen, som no er komen opp på andreplass i samandraget, åtte poeng bak fitjarjenta. Ekstra gledeleg var det at Ailin ikkje miste bilen sin på bud etter løpet, slik ho har gjort fleire gonger før. Med bestebilen, ein Opel Astra med to liters motor, intakt stiller ho minst like sterkt i neste runde!

Oliver A. Matre gjekk heilt til topps i seniorklassen, og ligg no berre eitt poeng bak Marius Havre frå NMK Bergen, som leiar samanlagt etter fire rundar. Nemnde Havre blei nummer tre i Bergen denne gongen. Men om Oliver kunne jubla til slutt i Bergen, så kom han på ingen måte lett til sigeren. 

– Eg brukte opp uflaksen på laurdag, då bakdempar, hovudstraumbrytar, fjerdegir og differensial "øydela" tre av fire heat, seier han.

Og utan god hjelp av støtteapparatet hadde det ikkje blitt nokon suksess denne gongen. Han fortel at han – saman med gode hjelparar – var ferdig å overhala girkassen klokka halv tre natt til søndag. Laurdag morgon måtte han tidleg opp og montera den nyoverhalte girkassen i bilen. 

– Men me hadde eigentleg god tid då, smiler Oliver.

Etter to gode omgangar på søndagen fekk han nok poeng til siste spor i A-finalen. Der hadde Oliver sin dose flaks, som han uttrykkjer det sjølv, og vann den. Oliver rettar ein stor takk til alle som heldt bilen i drift, og han trekkjer spesielt fram Nils Ingmar Dalen, som køyrde eins ærend frå Fitjar til Bergen med delar til den havarerte girkassen. 

Neste runde i vestlandsmeisterskapen blir avvikla 8. september, då er det òg NMK Bergen som står som arrangør, på Eikås Motorsenter i Åsane. Det heile blir avgjort i den sjette og siste runden, som går av stabelen 16. september på Vikedal Motorbane. 

Alle førarane som har køyrt seks rundar, kan stryka den dårlegaste plasseringa si. Dermed kan me allereie no slå fast at Ailin Vik og Oliver A. Matre vil henga med i kampen om VM-tittelen heilt til siste målpassering. 

For Fitjar Racing Team vil det vera ei stor fjør i hatten om Ailin eller Oliver skulle gå heilt til topps. Det har nemleg aldri hendt før at ein førar herfrå har vunne vestlandsmeisterskapet i bilcross, opplyser nestor Ole Vidar Helland. 

 


Det går ofte hardt ut over bilen til Oliver. Foto: Privat.  


Dei to beste er ikkje åleine

Ole Lønning er ein annan lovande ungdom som stadig gjer det betre på motorbanen. I helga var han den aller jamnaste av alle, med berre tredjeplassar i alle løpa han deltok i. Etter å ha blitt nummer tre i alle seks innleiingsheata i juniorklassen nådde han C-finalen, og han blei nummer tre der òg! Det heldt til 11.-plassen samanlagt i Bergen. Eit resultat 10.-klassingen er særs fornøgd med. 

Ein annan nykommar av året er Joakim Strand. Det har ikkje gått heilt på skjener i bobla med volvomotor, men køyringa går stadig betre. Dessverre har det ein tendens til å ryka litt for mykje bak han, og han har fått tilnamnet "Fakkelen". Men etter det me forstår, har han ingen planar om å trappa ned satsinga. 

 


Oliver A. Matre, Ailin Vik og Ole Lønning med pokalar frå Bergen; "Fakkelen" Strand må førebels nøya seg med brusflaske. Foto: Kjetil Rydland. 

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse