Måndag 25. Juni 2018



Ronald Skår går av banen etter å ha blitt utvist i sluttminutta. Foto: Kjetil Rydland. 

Ny uavgjortkamp for toarlaget til Fitjar

I ein hektisk og innsatsfylt fotballkamp på kunstgraset i kveld måtte Fitjar nøya seg med 1-1 mot gjestene frå Haugaland Fotballklubb.

 

Eit talrikt publikum ved kunstgrasbanen fekk mykje å varma seg på i den bitande kalde sommarbrisen tysdag kveld. Det gjekk nemleg hardt for seg nede på banen, der toarlaget til Fitjar kjempa om poeng i 7. divisjon Rogaland mot Haugaland Fotballklubb.

Spelarane på dei to laga la lite eller ingen ting imellom i dei mange taklingane, og me fekk sjå mykje god innsats. Men dei hadde nok halde seg rimeleg bra i skinnet om dommaren hadde hatt kontroll på kampen. Det hadde han dessverre ikkje, og det blei etter kvart fleire gule kort enn me kunne telja. Og både Rezwan Kadir og Ronald Skår fekk raudt kort. 

I byrjinga av kampen såg det relativt greitt ut for heimelaget. Det kunne sjå ut som om fleire gamle heltar var gode som nye. Etter åtte minutts spel tok Fitjar leiinga ved lagkaptein Trond Henriksen. Han tima fint løpet sitt inn i feltet og heada elegant inn eit frispark frå langt hald. 

Fitjar hadde rimeleg bra kontroll ut første omgang. I pausen skifta Haugaland inn eit par mann, og kom meir med i kampen. Etter 18 minutts spel var det klart for 1-1. Rezwan Kadir blei takla på midtstreken, men dommaren bles ikkje frispark. I staden kunne Haugaland-spelarane enkelt gå fram og scora, medan Fitjar-spelarane ropte så høgt at dei ikkje kunne høyra at dommaren ikkje hadde blåse. 

Den siste halvtimen av kampen blei ein uryddig affære, med mykje hardt spel, og mange misforståingar mellom dommar og spelarar. Det heile toppa seg i sluttminutta då Ronald Skår fekk direkte raudt kort for å ha sagt "fy" og litt til. 

Me kan slå fast at publikum fekk full valuta under kveldens kamp på kunstgraset, men ein del av underhaldninga kunne me gjerne vore forutan. 

 


Mål og gult kort for lagkaptein Trond Henriksen. Foto: Kjetil Rydland. 

 

Fitjar 2 – Haugaland FK 1–1 (1–0)

Fitjar Idrettsplass, kuntgraset, tysdag 12. juni 2018 kl. 20.00

Seriekamp menn 7. divisjon avd. 04 Rogaland Fotballkrets

Dommar: Süleyman Kilic, IL Solid

Gult kort for Fitjar: Vegar Helland, Trond Henriksen, Rezwan Kadir.

Raudt kort: Rezwan Kadir (2 x gult) og Ronald Skår. 

Fitjar sitt lag: Oddgeir Træet, Ronny Rene Bjellebø, Torkel Nesbjørg, Vegar Helland, Trond Henriksen, Ronald Skår, Øyvind Fluge Rydland, Christer Olsen Korneliussen, Andre Helland, Even Ersland og Rezwan Mahammad Kadir. Innbytarar med speletid: Øyvind Fykse Lie, Kjell Magne Halleråker, Espen Hatlevik, Jøran Johansen

 

 

Butikkar og tenester i sentrum "Klikk for å sjå alle"

.

Lunsjkonsertar i kyrkja

22.06.2018 Kjetil Rydland

Fitjar kyrkje med nytt orgel. Foto: Jan Overweg Lunsjkonsertar i kyrkja Kantor Jan Overweg byr på tre lunskonsertar i kyrkja i sommar, den første i morgon, laurdag.

Les meir ...

Samferdselsminister Solvik-Olsen til Fit…

22.06.2018 Kjetil Rydland

Samferdselsminister Ketil Solvik-Olsen er venta til Sveiseneset torsdag i neste veke. Foto: Samferdselsdepartementet. Samferdselsminister Solvik-Olsen til Fitjar Mek. Fitjar Mekaniske Verksted får besøk av samferdselsminister Ketil Solvik Olsen før han avsluttar ei...

Les meir ...

Hatlevikbasaren

22.06.2018 Kjetil Rydland

Mykje folk og god stemning på Hatlevikbasaren. Foto: FP-arkiv/HCH.  Hatlevikbasaren Søndag 7. juli er det igjen klart for den tradisjonsrike Hatlevikbasaren.

Les meir ...
annonse
annonse

Høyr NM-programmet til Fitjar Skulekorps…

22.06.2018 Kjetil Rydland

Fitjar Skulekorps i toppform til NM  Høyr NM-programmet til Fitjar Skulekorps! Fitjar Skulekorps inviterer til før-NM-konsert i Fitjar kultur- og idrettsbygg onsdag i neste veke. 

Les meir ...

A-laget slo Halsnøy / Trio 2!

21.06.2018 Kjetil Rydland

Daniel Skarpnes blei dagens mann i kampen mot Halsnøy / Trio 2 med to scoringar. Foto: FP-arkiv/KR. A-laget slo Halsnøy / Trio 2! Torsdag kveld sikra A-laget til Fitjar seg tre viktige...

Les meir ...

- Ikkje snakk ned kommunen vår!

21.06.2018 Harald Johan Sandvik

– Ikkje snakk ned kommunen vår! Rådmann Olaug Haugen og økonomisjef Trond Salmo informerer, Foto: Harald Johan Sandvik Snakk ikkje ned kommunen og den økonomisk situasjonen! Det var bodskapet frå kommunestyret i...

Les meir ...
annonse

Fagtorg "Klikk for å sjå alle"


Rekordar i Midtfjellet Halvmaraton

23.06.2018 Kjetil Rydland

Vidar Aarskog og Fitjar Idrettslag fekk besøk av to toppidrettsmenn i går, Senay Fissehatsion sette ny, suveren løyperekord, og Michael Ande Tesfamichael var ikkje stort dårlegare. Foto: Kjetil Rydland. Rekordar i Midtfjellet Halvmaraton Løyperekordane fall...

Les meir ...
annonse