Måndag 25. Juni 2018



Storspovemor med fem små som spankulerte rundt på den nyslegne bakken. Foto: Kjetil Rydland.

Kjempar for livet til dei små

I år har me følgt med på storspovelivet både på Rimbareid og fleire stader i Ovbygdo. På Rydland opplevde storspovane dramatikk i går, men det ser ut til at dei klarer å få fram ein heil ungeflokk.

 

I går var det stor ståhei blant fuglane på Rydland. Storspovane med det karakteristiske skriket, laga endå meir lyd enn vanleg, og vår tipsar blei uroleg: – Kva er det som skjer?

Han fekk svaret då han såg ei flott kongeørn liggja på lufta over driftsbygningen til Rydland Storfe. Brått gjekk ørna i stup, og han såg ikkje meir til henne. Men det var tydeleg at det var ørna dei to spovane var redde for. Og i dag viste det seg at dei har fem ungar, som dei tydelegvis gjorde alt dei kunne for å berga.

Litt dramatikk blei det i dag òg. Då dei skulle kryssa Koløyvegen, kom det ein bil, men heldigvis tok sjåføren omsyn, slik at alle kom seg over vegen og bort på den nyslegne bakken. Der spankulerte heile flokken rundt og leita etter mat.

Det ser altså ikkje ut til at storspovane miste nokon av ungane i går. Og ingen andre i nabolaget saknar verken hundar, kattar eller lam etter gårsdagens ørneangrep.

Dersom spovefar og spovemor klarer å ala opp heile ungeflokken, har dei gjort ein god jobb. Endå ein gong slår det oss at det ikkje kan vera greitt å vera fugl. Det er alltid noko!

Storspoven er ein fugleart i snipefamilien og er den største vadefuglen i Noreg, med ei lengd på ca. 55 cm og ei vekt på ca. 500–900 gram. Beina er lange, og det nedoverbøygde, tynne nebbet er 10–15 cm langt. Storspoven er brunflekka som småspoven. Storspoven er ein trekkfugl som kjem i mars/april og drar igjen allereie i juli. 

Fakta om storspoven finn du via denne linken

Den karakteristiske lyden kan du høyra på fuglelyder.net

 


Det kan ikkje vera mange dagar sidan han såg dagens lys, denne storspoveungen. Foto: Kjetil Rydland. 

 


Storspovefar kikkar seg over aksla for å sjå kor han har storspovemor og dei fem små. Foto: Kjetil Rydland. 

 


Storspovemor veit å gi lyd frå seg. Foto: Kjetil Rydland.

Butikkar og tenester i sentrum "Klikk for å sjå alle"

.

Lunsjkonsertar i kyrkja

22.06.2018 Kjetil Rydland

Fitjar kyrkje med nytt orgel. Foto: Jan Overweg Lunsjkonsertar i kyrkja Kantor Jan Overweg byr på tre lunskonsertar i kyrkja i sommar, den første i morgon, laurdag.

Les meir ...

Samferdselsminister Solvik-Olsen til Fit…

22.06.2018 Kjetil Rydland

Samferdselsminister Ketil Solvik-Olsen er venta til Sveiseneset torsdag i neste veke. Foto: Samferdselsdepartementet. Samferdselsminister Solvik-Olsen til Fitjar Mek. Fitjar Mekaniske Verksted får besøk av samferdselsminister Ketil Solvik Olsen før han avsluttar ei...

Les meir ...

Hatlevikbasaren

22.06.2018 Kjetil Rydland

Mykje folk og god stemning på Hatlevikbasaren. Foto: FP-arkiv/HCH.  Hatlevikbasaren Søndag 7. juli er det igjen klart for den tradisjonsrike Hatlevikbasaren.

Les meir ...
annonse
annonse

Høyr NM-programmet til Fitjar Skulekorps…

22.06.2018 Kjetil Rydland

Fitjar Skulekorps i toppform til NM  Høyr NM-programmet til Fitjar Skulekorps! Fitjar Skulekorps inviterer til før-NM-konsert i Fitjar kultur- og idrettsbygg onsdag i neste veke. 

Les meir ...

A-laget slo Halsnøy / Trio 2!

21.06.2018 Kjetil Rydland

Daniel Skarpnes blei dagens mann i kampen mot Halsnøy / Trio 2 med to scoringar. Foto: FP-arkiv/KR. A-laget slo Halsnøy / Trio 2! Torsdag kveld sikra A-laget til Fitjar seg tre viktige...

Les meir ...

- Ikkje snakk ned kommunen vår!

21.06.2018 Harald Johan Sandvik

– Ikkje snakk ned kommunen vår! Rådmann Olaug Haugen og økonomisjef Trond Salmo informerer, Foto: Harald Johan Sandvik Snakk ikkje ned kommunen og den økonomisk situasjonen! Det var bodskapet frå kommunestyret i...

Les meir ...
annonse

Fagtorg "Klikk for å sjå alle"


Rekordar i Midtfjellet Halvmaraton

23.06.2018 Kjetil Rydland

Vidar Aarskog og Fitjar Idrettslag fekk besøk av to toppidrettsmenn i går, Senay Fissehatsion sette ny, suveren løyperekord, og Michael Ande Tesfamichael var ikkje stort dårlegare. Foto: Kjetil Rydland. Rekordar i Midtfjellet Halvmaraton Løyperekordane fall...

Les meir ...
annonse