Måndag 23. Juli 2018



Gneist-keeper Raymond Nesse jublar over 2-1 på Fitjar. Foto: Kjetil Rydland.

A-laget gjekk på eit nytt tap

Gneist 2 var det beste laget på Fitjar-graset laurdag ettermiddag, og vann fortent 2-1.

 
Sola og grønfargen på graset i Fitjar Idrettspark var dei største lyspunkta for heimefansen under laurdagens 5. divisjons-oppgjer. Men nydeleg spelevêr og konfirmasjonsstemning var ikkje nok til å oppeldna Fitjar-spelarane til siger mot eit middels toarlag frå Bergens-klubben Gneist.

I 15-20 minutt hadde heimelaget grei kontroll på kampen, og spelte seg til fleire halvsjansar. Men etter 20 minutts spel kom Gneist veldig lett gjennom på høgrekanten, og Kristoffer Viken kunne scora enkelt.

– Er Fitjar ein mann mindre på banen? kunne me høyra frå fotballkunnig personell på tribunen. Det var dei ikkje; det såg berre slik ut. 

Etter kvart som kampen skreid fram, bar Fitjar-spelarane meir og meir preg av å vera dårleg samtrente. Ballen hamna på merkeleg vis "alltid" hos motstandarane på midtbanen. Sjølv om det var ein relativt jamn kamp, med like mykje banespel til kvart lag, var det langt farlegare kvar gong gjestene gjekk i angrep. 

Rett nok utlikna Fitjar til 1-1 eit lite stykke ut i andre omgang. Scoringa kom ved Marius Helland Storebø, som var eit av få lyspunkt på Fitjar i dag. Men så mange fleire store sjansar hadde ikkje Fitjar. På stillinga 1-1 kunne kampen ha vippa begge vegar. Det var diverre ikkje ufortent at det var gjestene som fekk gleda av å avgjera med ei scoring ved Brede Nyhamn Brekke knapt ti minutt før slutt. 

Spelemessig var dette eit lite tilbakesteg etter sist me såg A-laget. Diverre manglar spelarane sprut og overskot, men slikt kjem vel av meir trening? Med seks kampar spelt – ein og to kampar meir enn dei andre laga i botnen – ligg Fitjar på 9.-plass på tabellen i 5. divisjon. Ny sjanse til poeng får i Bergen søndagg 27. mai, mot Loddefjord 2. Neste heimekamp i Fitjar idrettspark er fredag 1. juni.  
 


Marius Helland Storebø (22), eit av få lyspunkt på Fitjar i dag. Foto: Kjetil Rydland.


FITJAR – GNEIST 2: 1-2 (0-1)

Fitjar Idrettspark, laurdag 12. mai kl. 12.30 – seriekamp 5. divisjon avd. 03

Mål: 20. min. 0-1 Kristoffer Viken, 51. min. 1-1 Marius Helland Storebø, 83. min. 1-2 Brede Nyhamn Brekke.

Dommar: Karl Inge Nymark, Rubbestadnes IL

Gult kort: Preben Aardal Løtvedt, Gneist 

Publikum: 40

Fitjar sitt lag: Jacob Mehammer, Leif Tore Nesbø Aarland, Helge Myrmel Træet, Sander Hrafnsson Tverborgvik, Bernt Ove Maraas, Kristian Træet, Lars Fitjar Waage, Torbjørn Korsvik, Øyvind Fykse Lie, Marius Helland Stoirebø og Daniel Skarpnes. Innbytarar med speletid: André Helland, Ronald Skår og Leif A. Tangen. 

 


Enkelte valde konfirmasjon i Fitjar kyrkje, og det angra dei nok ikkje på. Foto: Kjetil Rydland.

 

 

 

  

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse