Frå søppelberget på Ålforo. Foto: Linda Bukkøy. 

Søppelberget på Ålforo

Linda Bukkøy, som har vakse opp i Fitjarøyane, er sjokkert over kor mykje søppel det er på heimtraktene hennar. Ho har sendt oss ein del skræmande bilete og eit lesarbrev som du kan sjå nedanfor.

 

Som oppvaksen i Fitjarøyane har eg heile min barndom og ungdomstid gått i strendene og vikane i dei vakre øyane og holmane. Når eg sjølv fekk born, har eg vist dei alle dei flotte plassane eg har tråkka, bada og leitt etter skattar. Då var det kanskje ei framand flaske som var rekt til lands eller ei bøtte.

Men det som skræmer meg, er at det kjem meir og meir boss inn til lands. Spesielt Ålfåro, som er den største av alle øyane i Fitjar kommune, er ramma av eit søppelberg eg aldri hatt sett maken til. Og då tenkjer eg spesielt på Sætravågen, som ligg nokså midt på Ålforo, med munning mot sør/sørvest, med Nyleia rett inn.

Her ligg så mykje plast og tau at ein kan mista nattesøvnen. Eg sette i gang ein dugnad fredag 13. april, fekk med meg mine foreldre, som er over 70 år, min ektemann, tre av mine born og eit barnebarn på snart 3 år. Me 8 satte i gang å plukke plast, tauverk og anna boss, men etter kvart som me plukka plukka, fann me nye på nye lag med plast. Plasten ligg altså på lag etter lag nedover mosen og sanden, godt innblanda i all tang som låg i stranda.

- Annonse -

Når me såg på datostemplinga, viste det seg at mykje av bosset stamma frå frå 80- og 90-talet. Men også mykje av bosset var nyare, tydeleg bruksutstyr frå nærliggjande industri. Etter tre timar hadde me 12 stappfulle sekker som me tok med oss og fekk levert på SIM.

Men det er diverre mykje plast og tauverk att, så om me skal få den flotte stranda vakker igjen, må større krefter til. Eg håpar med dette at det vil bli eit større fokus på Ålforo med så mykje skipstrafikk og straum som fører med seg plast og anna søppel mot vikane.

Mvh Linda Bukkøy

 


Foto: Linda Bukkøy. 

 


Foto: Linda Bukkøy. 

 


Foto: Linda Bukkøy.