Torsdag 19. Juli 2018



Montør Helena Vikse slår på straumen etter å ha installert den nye straummålaren i kjellaren til Wenche Tislevoll. Foto: Kjetil Rydland.

Kraftlaget skiftar til digitale straummålarar

I går starta Fitjar Kraftlag utrullinga av dei nye, digitale straummålarane, og begynte hos ordførar Wenche Tislevoll i Koløyo.

 

Den første utskiftinga til ny, digital straummålar i Fitjar fann stad i kjellaren til ordførar Wenche Tislevoll i går føremiddag. Det er allereie installert fleire nye målarar i Kråko og i Rossneset, men ordføraren sitt hus var det første der den gamle målaren blei skifta ut. 



2400 målarar skal skiftast

Den som stod for sjølve jobben var montør Helena Vikse, som kopla frå straumen, skifta ut den gamle måleren og sett på plass den nye AMS-målaren. Med seg hadde ho driftsingeniør Marius Onarheim frå Fitjar Kraftlag.. 

I tillegg hadde dei dei med Espen Nordtveit, som er innleigd på prosjektet AMS-utrulling fram til hausten, når alle dei nye målarane er på plass. Han har jobba med det same systemet i Suldal, og kjenner det godt frå før. 

Fitjar Kraftlag har valt det same systemet som 26 andre straumselskap på Vestlandet, i Trøndelag og Nord-Norge, med totalt 750 000 målarar. BKK, Finnås Kraftlag og dei andre selskapa i vår region er med i dette samarbeidet, og har organisert seg i SORIA-nettverket.

I Fitjar er det 2400 straummålarar som skal skiftast, i perioden mars til juli, fortel Marius Onarheim. Dei nye målarane skal kommunisera via 31 sendestasjonar i konsesjonsområdet til Fitjar Kraftlag, som også omfattar Brandasund. 



Brev med tid for utskifting av målar

Me vil få brev med dato for kor tid montøren har tenkt å koma heim til deg og skifta målar. – Send stadfesting på denne, seier Onarheim viss ikkje sender me SMS-melding. Montør Helena Vikse minner om at det må vera vaksne folk heime, for at ho kan gå inn og gjera jobben. Vaksne i denne samanhengen er 16 år, fortel ho. 

 

Måler og sender forbruket automatisk

Etter at Wenche Tislevoll har fått installert ny straummålar i går, vil ho ikkje lenger få SMS med beskjed om å lesa av målarstanden. Driftsingeniør Onarheim minner likevel om at alle som får SMS, skal lesa av målarstande som normalt. 

Straumforbrukarane vil heretter få tilsendt rekning automatisk utan å føreta seg noko. Men me kan kontrollesa sjølve på målaren. 

 

Digitalisert framtid

Ordførar Wenche Tislevoll har sjølvsagt fått med seg skepsisen mot dei nye målarane, som kan «overvåka» oss i heimane våre. Men ho har slege seg til ro med at det ikkje er nokon veg tilbake. – Me kan ikkje godt logga oss av, meiner ho, framtida er digitalisert. 

 

Fakta om AMS

Avanserte måle- og styresystem

Gjer slutt på målaravlesing, på sikt

Gir meir nøyaktig oversikt over straumforbruket

Gir snarare beskjed ved feil

Pålegg frå Norges vassdrags- og energidirektorat NVE

Svar på spørsmål om den nye straummålaren finn du på denne linken til Fitjar Kraftlag

 


Driftsingeniør Marius Onarheim med blomar til ordførar Wenche Tislevoll, t.h. montør Helena Vikse frå OneCo med ein straummålar av den nye typen. Foto: Kjetil Rydland. 

 


Og no veit me kva denne bilen gjer på, han er med og installerer nye straummålarar. Foto: Kjetil Rydland.  

Butikkar og tenester i sentrum "Klikk for å sjå alle"

.

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Fagtorg "Klikk for å sjå alle"


Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse