Måndag 23. April 2018



Frida Hatlevik Kjerland jublar saman med lagveninnene sine i Twist etter finalesigeren. Foto: Kjetil Rydland. 

Harde tak under MX Hummel Cup

Under avslutninga av årets MX Hummel Cup laurdag ettermiddag fekk fjorårsvinnar Pokerstars stryk i den gjævaste finalen, der Sleivdal gjekk heilt til topps. Open klasse for herrar blei vunnen av DDR frå Stord, medan unge Twist vann dameklassen.

 

Me fekk fleire litt overraskande, men fullt fortente finalesigrar i årets innecup på Fitjar, MX Hummel Cup. 


Årets vinnarlag i eliteklassen for herrar såg lenge ut til å vera ute. Midt i semifinalen, mot Arnsteins, låg dei under 0-3, men utruleg nok greidde dei å snu kampen, og gå til finalen med 4-3. I den fartsfylte finalen mot fjorårsvinnarane Pokerstars viste dei lettbeinte sleivdølane seg eit strå kvassare. Dei vann på stor fart og betre bevegelse enn dei litt tyngre motstandarane sine. Også her låg dei lenge under, men mot slutten av kampen fekk dei inn dei to avgjerande mål, som gav 3-2-siger. Målcsorarar for Sleivdal var Mats Vestvik, Heine Storevik og Kristoffer Kleven.



Sleivdal jublar for siger i eliteklassen. Foto: Kjetil Rydland. 

 


Litt meir nøktern stemning plant Pokerstars, f.v. Oddgeir Træet, André Helland og Leif Erik Laukhammer. Foto: Kjetil Rydland. 


I dameklassen blei det ein jamn finale mellom to unge lag, Twist og Godfoten. I år fekk me eit nytt prov på at ungdommen har teke over denne klassen. Ailin Vik greidde ikkje å gjenta suksessen frå i fjor, då ho gjekk heilt til topps med Nederlaget. I år var ho lagleiar for Godfoten, som spela uavgjort 2-2 mot Twist i finalen. Straffekonkurransen vannTwist etter mykje dramatikk, etter at keeperane hadde teke kvar sin straffe for dei to laga. Dermed kunne ein annan ung lagleiar, Frida Hatlevik Kjerland, heva pokalen for Twist. 



Kjetil Østrem og DDR tek med seg pokalen frå open klasse heim til Vikjo. Foto: Kjetil Rydland. 


I open klasse stilte lagleiar Vegard Hatlevik i mål for overraskingslaget KYS, som gjekk heilt til finalen. Men her blei det litt for tungt for den eminente handballspelaren vår. Etter scoringar av Røyrane, Haukefær, Fosse og Østrem, blei det ein klar siger til DDR frå Stord. 

 
Rune Brakedal i arrangementskomiteen fortel om eit knirkefritt arrangement, utan dei store skadane. Saman med Ole Bergesen klarte han igjen å avvikla kampane nesten på sekundet til oppsett tid. Takka vere god hjelp av Emil Sørfonn, Roald M. Nilsen, Geir Bjarte Hatlevik, Åsmund Sørfonn og ein gjeng rutinerte dommarar. 


Som vanleg fortener fotballfolket ros for profesjonell gjennomføring av ei populær turnering.

 


Godt med folk og stor stemning under elitefinalen. Foto: Kjetil Rydland. 

 


Keeper Jacob Mehammer berga bronse for Los Granjeros. Foto: Kjetil Rydland. 

 


Kevin René Gustavsson måtte nøya seg med siger i B-finalen, der Advantec slo Haugesund futsal. Foto: Kjetil Rydland. 

 


Veteranen Jon André Røyrane viser seg altfor kjapp for unge Fredrik Skjerve Jensen. Foto: Kjetil Rydland.

 


Carsten Rasmussen bergar dagen for Jokers, Foto: Kjetil Rydland. 

 


Finn Ingvar Havnerås fekk æra av å dømma begge herrefinalane. Foto: Kjetil Rydland. 

 

 

Butikkar og tenester i sentrum "Klikk for å sjå alle"

.

Marie 9 år

22.04.2018 Kjetil Rydland

 Marie fyller ni år i dag! Marie 9 år Gratulerer så masse med 9-årsdagen søndag 22.04! 

Les meir ...

Hoggorm på Engesund Visningssenter!

21.04.2018 Kjetil Rydland

Sjeldan gjest på merdkanten i Engesund. Foto: Goff Artsamai. Hoggorm på Engesund Visningssenter! Fredag morgon dukka det opp ein ubeden og svært sjeldan gjest på  Engesund Visningssenter i Fitjarøyane, då ein hoggorm brått sat...

Les meir ...

Bremnesingane blei altfor sterke for A-l…

21.04.2018 Kjetil Rydland

Fitjar nede for teljing med null poeng etter tre kampar. Foto: Kjetil Rydland. Bremnesingane blei altfor sterke for A-laget Trass ei tidleg leiing ved Daniel Skarpnes viste Fitjar-gutane seg altfor veike og...

Les meir ...
annonse

Første vigsla for ordføraren

20.04.2018 Kjetil Rydland

Ordførar Wenche Tislevoll med brurparet Malene Løklingholm Leivestad og Morten Bauge Torland. Foto: Kjetil Rydland.   Første vigsla for ordføraren Fredag fekk ordførar Wenche Tislevoll sin elddåp då ho vigde Morten Bauge Torland (31)...

Les meir ...

Ber barna i beretøy og gjer dei trygge!

19.04.2018 Kjetil Rydland

  Gabriel Nedal Kvamen ser ut til å finna seg til rette på ryggen til mor, Solrun Irene Kvamen. Foto: Kjetil Rydland.   Ber barna i beretøy og gjer dei trygge!  I dag møttest...

Les meir ...

Carfix med utleigebil til kundane

19.04.2018 Kjetil Rydland

Så fin er den nye Renault Zoe elbilen til Carfix. Foto: Kjetil Rydland.  Carfix med utleigebil til kundane Carfix på Fitjar kan skilta med ein splitter ny elbil som kundane kan låna...

Les meir ...
annonse

Fagtorg "Klikk for å sjå alle"


Kansellerte ferjeavgangar

22.04.2018 Kjetil Rydland

– Så lang ferjekø har eg aldri sett før Ferjekøen sørover strekte seg mange kilometer søndag. Foto: tipsar Mange innstilte avgangar kombinert med stor helgetrafikk har skapt svært lange ferjekøar mot Sandvikvåg...

Les meir ...
annonse