Torsdag 19. Juli 2018



Leif Didrik Steensohn blir trenar for A-laget til Fitjar. Foto: FP-arkiv/KR.

«Dikki» tilbake som A-lagstrenar!

Leif Didrik Steensohn frå Stord tek over som A-lagstrenar i Fitjar-fotballen etter Kjell Træet. Og i kveld startar hardkjøret for ein gjeng treningssugne fitjargutar.

 

Dermed er trenarspørsmålet løyst for Fitjar Idrettslag i år òg. Måndag kveld gjennomførte han den første treninga si med A-laget til Fitjar. Med seg som hjelpetrenar får Steensohn unge Sondre Nesbø Aarland, som har vore i trenarteamet saman med Kjell Træet og Trond Henriksen i år.


Den gamle ringreven Leif «Dikki» Steensohn er ingen ukjend mann, verken for spelarane eller for folk flest i Fitjar. Som kjent er han gift med ei Fitjar-dame, og han har trent A-laget til Fitjar før. Fitjar har vel aldri vore betre enn under «Dikki» sine vengjer, men slikt er sjølvsagt avhengig av spelarmaterialet òg.


Han er ein av dei mest meritterte trenarane i Sunnhordland med ei rekkje gode resultat bak seg i blant anna Bremnes, Trott og Fitjar. Sist «Dikki» var i Fitjar, var i sesongen 2014, då han var hjelpetrenar for A-laget. Men i perioden 2000 til 2006 var han hovudtrenar, og greidde å rykkja opp til 3. divisjon med laget to gonger. Det er det ingen andre som har greidd verken før eller seinare.


Dei som hugsar godt, veit at «Dikki» òg er ein av dei mest meritterte spelarane på Stordøya. Han feira 24-årsdagen sin med å stå i mål på Stord sitt A-lag som slo ut Viking i cupen i 1972. Den gongen budde «Dikki» på Fitjar, så det er ein ekte Fitjar-ven som no vender tilbake. Dei som hugsar endå litt betre, veit at far til «Dikki», Leif Steensohn, òg var ein Fitjar-ven, som har trent A-laget vårt. Også det var i 1972.


Sjølv etter eit veldig langt fotballiv manglar ikkje «Dikki» motivasjon. – Eg gjer dette fordi eg brenn for det; hadde eg ikkje hatt lyst, så hadde eg ikkje gjort det, seier han. Sjølv om han har rykt opp med Fitjar fleire gonger enn nokon andre, har han ingen konkrete målsetjingar om det denne sesongen. Det kjem an på spelarane og mange ulike forhold.


– Men det manglar iallfall ikkje på lyst og engasjement, stadfestar den rutinerte trenaren.

Me ønskjer den nye A-lagstrenaren lykke til, og håpar han klarer å mana Fitjar-spelarane til dåd. 

 


God stemning i garderoben med ny A-lagstrenar på plass. Foto: Kjetil Rydland.  

Butikkar og tenester i sentrum "Klikk for å sjå alle"

.

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Fagtorg "Klikk for å sjå alle"


Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse