Laurdag 17. Februar 2018



Ole Bergesen har frose mykje til ære for Fitjar-fotballen, men her kan han til si store glede sjå at det nærmar seg gull for Bakken/Sentrum. Foto: Kjetil Rydland. 

Tøffe tak i vintercupen

Dei fusjonerte laga Kalveid/Vestbøstad i dameklassen og Bakken/Sentrum i herreklassen vann finalane i årets vintercup, som blei avvikla i like surt vêr som vanleg. 


Vintercupen blei avvikla i like surt vêr som vanleg, men litt meir sensasjonelt var det at Bakken var representert i begge finalane. I dameklassen stilte dei eit lag som var fusjonert med Havn, og i herreklassen var Bakken i lag med Sentrum. – Dette er historisk, at Bakken er med i begge finalane! sa ein frostig, men glad Ole Bergesen, då det drog seg til mot avslutning av årets vintercup på Fitjar.



Målscorar Eldrid Myrvang Simonsen og Tone jublar for siger i damefinalen. Foto: Kjetil Rydland. 


Så langt hadde Vintercupen gått greitt for seg utan alvorlege skadar. Diverre fekk me ein stygg kneskade i damefinalen, men det er ikkje avklart enno kor alvorleg den er. Finalen mellom Kalveid/Vestbøstad og Bakken/Havn såg ut til å gå mot straffekonkurranse, då Eldrid Myrvang Simonsen avgjorde for Kalveid/Vestbøstad heilt mot slutten.  

 


Vinnarlaget frå Kalveid/Vestbøstad. Foto: Kjetil Rydland.

 

I herrefinalen møttest det fusjonerte Bakken/Sentrum og Storavatnet junior. At sistnemnde skulle utvikla seg til eit storlag, slik me har sett dei siste åra, er òg ein aldri så liten sensasjon for oss som har vore med ei stund. I dei første åra utmerkte nok Storavatnet seg med ein litt meir sosial profil, som ikkje gav seg utslag på resultatlista. 



Vinnarlaget i herreklassen: Bakken/Sentrum. Foto: Kjetil Rydland.


I dei seinare åra har den sportslege profilen blitt meir reindyrka, og eit sterkt fokusert lag frå Storavatnet jr. sikta seg inn på finalesiger. Men Helge Træet blei litt for stor og sterk i dei sure sludd- og haglbyene i finalen. Veteranen gav laget sitt både 1-0 og 2-0 før unge Nabeel Mese la på til 3-0. Motstandarane kom likevel tilbake og reduserte to gonger, ved Marius H., Storebø og Mats Vestvik. Men på slutten dømte den stødige finaledommaren Roald M. Nilsen straffe til Bakken/Sentrum. Dermed kunne Helge Træet avgjera finalen for laget sitt med si tredje finalescoring.


Avslutninga av kampen blei litt skjemt av tilløp til slåstkamp, og velfortent utvising. Det var tydeleg at temperaturen mellom øyro var høgare enn på utsida. 

 
Men Bakken/Sentrum drog i land ein velfortent 4-2-siger. Me gratulerer arrangementsansvarleg Rune Brakedal, fotballgruppa i Fitjar IL og vinnarane med flott innsats. I løpet av helga vil me koma tilbake med fleire bilete. 

 


Herrefinalen markerte ei sur, men dramatisk avslutning på årets vintercup. Foto: Kjetil Rydland. 

Butikkar og tenester i sentrum "Klikk for å sjå alle"

.

Korpsmusikk og publikum fylte Kultursale…

15.02.2018 Kjetil Rydland

Fitjar skulekorps spela frå ABBA-programmet som dei skal framføra i april. Foto: Kjetil Rydland.  Korpsmusikk og publikum fylte Kultursalen Vakker korpsmusikk, kaffi og god kaffimat og ikkje minst veldig god stemning fekk dei...

Les meir ...

Kokk tek over leiaransvaret for Fitjarfe…

15.02.2018 Jonas Sætre

Kokk tek over leiaransvaret for Fitjarfestivalen Inger Elin Helland har hatt ansvaret for maten under Fitjarfestivalen i mange år. No er ho valt som ny festivalleiar.

Les meir ...

Teiknspråk engasjerer!

14.02.2018 Kjetil Rydland

Teiknspråklærarane Eli-Sigrun Wiik og Ellen Rolfsnes i aksjon på kurset i Fitjar kultur- og idrettsbygg. Foto: Kjetil Rydland. Teiknspråk engasjerer! I januar og februar har ein gjeng ivrige fitjarfolk vore med på...

Les meir ...
annonse

Fleire innstilte ferjeavgangar

14.02.2018 Kjetil Rydland

Ferjevgangar frå Sandvikvåg i morgon tidleg er innstilte. Foto: FP-arkiv/KR Fleire innstilte ferjeavgangar På grunn av tekniske vanskar er fleire ferjeavgangar frå Sandvikvåg torsdag føremiddag innstilte. 

Les meir ...

Sjå «Den 12. mann» med tekst

14.02.2018 Kjetil Rydland

Ole Bergesen lovar ikkje raud løpar og sprudlevatn, men førstkomande søndag kan alle som var på kinopremieren få sjå filmen «Den 12. mann» på nytt utan å betala. Foto: Kjetil Rydland.  Sjå...

Les meir ...

Olav Oma til Stord

13.02.2018 Kjetil Rydland

Sokneprest Olav Johannes Oma til Stord. Foto: FP-arkiv/KR.  Olav Oma til Stord Det er no endeleg avklart at sokneprest Olav Johannes Oma tek over stillinga som sokneprest i Stord.

Les meir ...
annonse

Fagtorg "Klikk for å sjå alle"


Quiz for historiebøkene!

17.02.2018 Kjetil Rydland

Jostein Siglen med fingeren på bildet av seg sjølv på gårsdagens bildequiz, laget hans var det einaste som ikkje kjende han igjen på bildet. Foto: Kjetil Rydland. Quiz for historiebøkene! Fredagskveldens quiz...

Les meir ...