Torsdag 19. Juli 2018



Randi Thorland – toppscorar for Fitjar mot Nordre Fjell. Foto: Kjetil Rydland. 

Handballdamene slo botnlaget

Handballdamene til Fitjar sleit seg til ein eittmålssiger over botnalget Nordre Fjell på heimebane søndag ettermiddag.

 

Fitjar IL sine handballdamer har kome brukbart i gang med årets sesong i 5. divisjon. Mot botnlaget Nordre Fjell var det berre siger som galdt på heimebane søndag ettermiddag.


Helene Rimmereid mangla ikkje innsatsvilje, men ballen ville ikkje gå i mål. Foto: Kjetil Rydland.


Første omgang blei jamn, og enda 10-10. Etter pause skulle det bli omtrent like jamt, men det såg veldig stygt ut for Fitjar etter knapt tre minutt. Fitjar blei brått redusert til tre (!) utespelarar etter at trenar Trond Arnevik protesterte mot dommarane. Heldigvis starta Fitjar det dramatiske undertalsspelet med ei flott, målgivande kontring, og gjestene klarte aldri å rykkja meir enn to mål ifrå. 

 
Etter kvart overtok Fitjar initiativet, og var ei stund oppe i ei tremålsleiing. Men keeperen Hilde Martinussen Lønøy heldt Nordre Fjell inne i kampen med fleire gode redningar. Og ei kort stund var gjestene oppe i ei eittmålsleiing, før Fitjar igjen fekk overtaket, og sleit seg til ein eittmålssiger, 21-20.

 
På Fitjar viste backane Ingvild Rimmereid og Matine Fredlund godt igjen, med god innsats og gode initiativ. Det same gjorde Randi Thorland, som blei toppscorar med sju mål. 

Med dagens to poeng ligg Fitjar på femteplass i 5. divisjon med sine seks poeng. Neste sjanse til poeng kjem 3. desember, då møter dei topplaget Sund på heimebane i Fitjar kultur- og idrettsbygg. 

Fitjar sitt lag mot Nordre Fjell (mål i parentes): Mariell Hervik Stølås (keeper), Hanne Arnevik (keeper), Randi Thorland (7), Martine Fredlund (3), Helene Rimmereid, Emilie Aaserud Hystad (5), Ingvild Rimmereid (4), Marte Lie Børve, Marianne Sørheim, Emma Spratt (2).

 


Keeper Hilde Martinussen Lønøy heldt på å avgjera kampen for Nordre Fjell. Foto: Kjetil Rydland. 

Butikkar og tenester i sentrum "Klikk for å sjå alle"

.

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Fagtorg "Klikk for å sjå alle"


Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse